Chapter 37
Arwins's Point of View
Hindi ko alam kung nanadya si Brent na paselosin ako pero inaamin ko, naapektuhan ako. Ipinapaalala ko naman sa sarili ko na sinasadya niyang gawin ang mga iyon para magselos ako at makuha ang atensiyon ko ngunit kapag nakikita ko kasing totohanan ang pagiging malapit nila ni Aldrin ay naaalarma rin ako. Paano kung dahil sa takot kong pagbigyan siya sa gusto niyang dapat walang magbago sa amin ay sila ni Aldrin ang mas magiging malapit sa isa't isa?
May dating rin naman si Aldrin. Inaamin ko, takot ako dahil bukod sa wala itong girlfriend ay mabuti din siyang tao. Kaya nga, gano'n na lang ako kadesperado nang tanghaling iyon lalo na nang nagkatabi pa sila sa pagpapahinga. Sinubukan ko namang isipin na ayos lang yun kasi tanghaling tapat naman saka na
