LAHAT ng pagsubok ay dumadaan sa pagsasama ng mag-asawa. Kailangang maging matatag ang bawat isa sa inyo at huwag susuko. Alang-alang sa mga anak at sa ikatitibay ng pagsasama ay kailangang maging matibay. Lahat ng pagsubok ay maaring maranasan ng kahit sino. Isang leksyon iyan para masubok ang tibay ng pagmamahalan. Panalangin ang unang sandata sa pagsasama, para hindi ito matibag ng kahit anong unos o bagyo. Tandaan na habang tumitindi ang mga pagsubok ay tumitibay at tumatatag naman ang tali ng pagiging mag-asawa.
***
Buntis sa panglima si Shy kaya naman walang pagsidlan ng kaligayahan si Knight. Matutupad yata ang pangarap niyang magkaroon ng anim na anak. Nang lumabas ang ultrasound ay lalaki na naman ang kanilang susunod na baby. Nasa kapalaran yata ni Princess Mae na maging unica
