Kahit ang Papa niya ay nasermonan siya kung bakit nagpadalos-dalos siya sa pagkuha ng driver. Gusto ng mga ito na sila ang maghahanap at mamimili ng driver ayon sa standards ng mga ito. Mabuti na lang dahil humarap naman nang maayos si Franco sa mga magulang niya at maayos na nasagot ang mga tanong ng Papa niya. Nanindigan naman siya na kailangan lang talaga niya ng driver ngayon dahil madalas na siyang ginagabi sa opisina.
Kinabukasan ay nakita niyang tumutulong si Franco sa pag-aayos ng hardin. Hindi siya lumalapit sa binata dahil baka pag-isipan pa siya ng masama ng Mama't Papa niya. Pero wala nang bukambibig ang mga katulong na gusto niya nang sawayin minsan. Hindi raw mukhang driver si Franco dahil halos kasingtikas din ito ni Patrick lalo kapag nakabihis ng mamahalin.
Naka-walking
