Hindi ko alam kung sadyang bitter lang talaga ako o guni-guni ko lang ang lahat dahil pagkatapos ng bakasyon sa resort ay palaging si Ravin na ang bukambibig ni MD maya't-maya. Nakakasawa na nga dahil iyong iba ay paulit-ulit lang na kanyang sinasabi. Ganunpaman ay hindi ako pwedeng magreklamo. Hindi rin mawala sa aking isipan na para bang matagal ng magkakilala si Ravin at MD, na kagaya naming dalawa ang samahan nila. At iyong panghihingi ng number niya kay Ate Samantha ay parang alibi lamang. Nakita ko iyon sa paraan ng pakikitungo ni Ravin kay MD na halatang mayroong kakaiba. Gustuhin ko mang magtanong, kaya lang ay baka ako lang din ang masaktan sa malalaman kung kaya naman pinili ko na lang ang manahimik at maging bingi sa lahat ng sinasabi niya patungkol sa lalakeng lihim ko 'ring gu
