“Anong ginagawa mo rito?” tanong ni Rex kay Danica nang makita niya ito sa loob ng mansyon. Magkahalong gulat at pagkadismaya na rin ang naramdaman niya dahil sa pag-aakala niyang ang dumating ay si Angelo.
Ningitian ni Danica si Rex. “Why? Hindi ba ko pwedeng pumunta rito?” lumaki ang ngiti sa labi niya. “Baka nakakalimutan mo, bahagi pa rin ako ng pamilya Madrigal dahil asawa kita at wife mo ko kaya kahit anong araw o oras ko gustuhing pumunta dito sa mansyon, magagawa ko,” aniya pa nang nagmamalaki.
Pagak na tumawa si Rex. “Ang kapal ng mukha,” sobrang hina na wika niya. Sa loob-loob niya ay naiinis siya sa babaeng kaharap niya.
“Wow! Hindi ko alam na may future ka pala pagdating sa pagiging baby sitter,” nangingiti na wika ni Danica habang tinitingnan ang baby na buhat-buhat ni Rex.
