"IKAW na naman?" gulat na bulalas ni Jiron pagkakita kay Aser. Nakaharang ito sa pinto ng cubicle matapos siyang magbawas ng likido sa katawan. Nasa restaurant kasi sila ni Micaya.
"Kailangan mo na namang tumakas muna ngayon. Nagpagamit na naman ang babaeng galit sa iyo para patayin ka sa sumpa. Tiisin mo muna kasi sa tingin ko huling kamatayan mo na ang hiniling niya. Kapag nalampasan mo ang pagsubok na ito, makaliligtas ka sa gabing ito," balisang hayag ni Aser.
Napakamot siya sa ulo.
"Pambihira na namang buhay. Sige na nga! Ano naman ang kailangan kong kunin sa mundong pagtatapunan mo sa akin?" Pumayag siya kahit umaangal.
"Pulang diyamante. Mag-iingat ka roon." Gumawa na naman ng lagusan si Aser.
Pinakawalan muna niya ang malalim na buntong-hininga bago pumasok. Hindi na niya nil
