Ang CHATMATE Kong SEAMAN-loloko

Chapter 2

“Good evening, Mahal ko! Kararating ko lang galing sa work. Matutulog na ako. Sobrang pagod ko today,” text ni Cathy kay Billy noong pasado alas dyes na ng gabi. Kasalukuyan na siya noong nakahiga sa kanyang higaan. Maliban sa pagiging tindera niya sa karinderya ng tiyahin ay pumapasok din siyang waitress sa kalapit na bar sa kanilang lugar.

“Teka lang Mahal ko, hintayin mo ako. Gusto kong mag-good night sa iyo habang nakahiga.” lambing naman ng lalaki.

“Nasaan ka ba ngayon? Tapos na ba ang duty mo?”

“Katatapos ko lang kumain, pabalik na ako sa kuwarto ko,”

“O sige, hintayin kita. Teka, tatawag ka ba?”

“Oo naman mahal ko. Gusto ko kasing marinig ang boses mo eh.”

“O sige, bilisan mo Mahal ko, inaantok na talaga ako eh.”

Hindi na sumagot pa si Billy dahil as soon as makapasok ito sa cabin nito ay naghubad na ng uniporme, naghilamos, nagsipilyo at diretso nang pumahiga sa single bed nito.

Maya-maya pa ay narinig na lamang ni Cathy ang pag-ring ng kanyang telepono.

“Hello! Mahal ko?” nagtaka si Cathy kung bakit ingay lang sa background ang kanyang naririnig kung kaya inulit ulit niya ang pangbungad na sinabi. “Hello! Mahal ko? Asan ka na?” sambit niya ngunit wala pa rin siyang sagot na naririnig mula sa kabilang linya. “Mahal ko naman eh. Sige ka, tutulugan na kita!” pakli na niya. Sa pagkakasabing iyon ay biglang nagsalita ang lalaki.

“Sorry, pinapakinggan ko kasi ang boses mo. Hindi talaga ako magsasawang kausapin ka gabi-gabi,” saad nito kapagkuwan.

“Hay nako, bukas na nga tayo mag-usap! Bobolahin mo na naman ako eh!,” medyo nayayamot niyang saad. Kapag ganitong hapo siya sa trabaho ay walang epekto ang mga pangbobolang iyon ng kausap.

“Maya-maya na mahal ko. Usap muna tayo. Alam mo namang gusto kita laging kausap di ba. Kasing ganda mo kasi ang boses mo. Nakaka-L pa,” pakli ng lalaki.

“Ayan ka na naman ah,” tila pagsasaway niya dito. Madalas nga nitong sabihin iyon sa kanya magmula noong mag-usap sila sa telepono.

“Walang halong biro, mahal ko. Sige na, pumayag ka na sa gusto ko. Subukan natin kahit sandali lang,” anito tungkol sa napag-uusapan nila kung minsan. Ang pakikipag-romansa over the phone.

“Hindi nga kasi ako marunong. Malay ko ba kung paano gawin ‘yan?” wika niya. Magmula nang marinig nito ang boses niya ay naging makulit na ito tungkol doon. Eh, ano bang alam niya, eh hindi niya pa nagagawa iyon sa mga ka-chatmate dati.

“Uungol ka lang naman, tapos gagawin mo yung mga sinasabi ko sa iyo,” pagtuturo nito sa dapat gawin.

“Ha?! Baka marinig ako ng ate ko nyan. Katabi ko pa naman siya matulog.”

“Eh, nandiyan na ba siya ngayon?” tanong pa ng lalaki.

“Wala pa naman. Pero maya-maya papasok na rin ‘iyon dito sa loob ng kuwarto.”

“Ganoon ba? What if hintayin na lang natin siya na makatulog ng mahimbing,” suhistyon nito.

“Ano ka ba, mahal ko, baka pagalitan pa ako sa mga kalokohan mo,” aniya dito. Ang ate niya ay isang conservative na babae rin na kahit nasa dalawampu’t walong taon na ay hindi pa rin nagkaka-boyfriend.

“Sige na mahal ko. Pagbigyan mo na ako. Please!” paglalambing ulit ni Billy.

Sa pagmamakawa ng lalaki ay nag-isip isip siya, pagkatapos ay bumuntong hininga. Mukhang sa kakakulit nito ay mapipilitan na nga talaga siyang subukang gawin ang bagay na iyon.

“Sige, next time. Kapag ako na lang ang nandito sa kuwarto. Pero sa ngayon hindi pupwede kasi baka mahuli ako. Usually ganitong oras ang tulog ni ate,” saad niya dito para lamang tantanan na siya nito.

Flattered naman siya sa tuwing sinasabihan ng mga ka-chatmate na maganda nga daw ang boses niya kapag tumatawag ang mga ito. Pero sa tuwing napupunta sa ganoon ang usapan ay natu-turn off na siya sa mga lalaki. Ano bang alam niya eh sa edad niyang 24 ay virgin pa talaga siya. As in hindi pa siya nahahalikan o nayayakap man lang ng isang lalaki. Ang gawin pa kaya ang ganoong bagay? Kahit naman sa telepono lang iyon eh wala pa rin siyang idea kung papapano ang gagawin, kaya nga umiiwas siyang pag-usapan ang mga ganoong paksa. Dito lang talaga sa lalaking itong si Billy siya napapayag. Inaamin niya naman kasi na sa mga sumunod pang mga araw ay nakakalamang na ito sa puso niya kesa sa isa pa niyang seaman na boyfriend na panay text lang at hindi pa niya nakakausap sa phone.

“O sige. Promise yan ha,” paninigurado pa ng lalaki.

“Oo nga. Ang kulit!”

Napatawa lang ang nasa kabilang linya. “I love you mahal ko!” sunod nitong sambit.

Napangiti siya. Sa tuwing naririnig niya ang mga salitang iyon ay tila ba pakiramdam niya ay in love na in love na ito sa kanya. Dapat lang siguro noh, at hindi rin naman biro ang effort na ibinibigay niya dito.

Pagkatapos niyang tugunin ang sinabi nito ay hindi na ito nangulit pa at pinayagan na siyang matulog. Simula noong gabing iyon ay naging ganoon na ang set up nila. Madalas na itong tumawag ng ganoong oras at nangungulit sa kung anong gusto nitong mangyari. Hanggang sa dumating ang gabi na pagbigyan niya ito.

May company outing ang ate niya noong araw na iyon. Nagtatrabaho ito bilang isang cashier sa isang convenient store. Parehas silang hindi nakatapos ng pag-aaral dahil sa gipit sa pera. Ang sabi ng ate niya ay overnight daw iyon kung kaya sa gabing iyon ay siya lang ang matutulog mag-isa sa kanilang twin size bed. Nang malaman iyon ni Billy, pagkatapos na pagkatapos ng duty nito, ay kumain lang ito ng kaonti at bilis bilis na itong bumalik sa sariling cabin. Excited ito sa nakatakdang gawin nilang dalawa. Ang totoo ay ginagawa na naman nito ang bagay na iyon sa iba pang girlfriend nito pero dahil si Cathy ang may bedroom voice na akma sa binabalak nilang gawin ay hindi na ito makapaghintay pa.

“Mahal ko, anong suot mo?” anito pagkatapos nila magkamustahan sandali.

“Naka-sando at shorts lang, mahal ko. Ang alinsangan kasi ngayon,” sagot naman niya.

“Ang sarap mo sigurong pagmasdan sa suot mo? Pwede bang mag-picture ka at i-send mo sa akin?” request ng lalaki. Never pa nilang nasubukang mag video call dahil sa mismong lugar kung saan naroroon ang barko na pinagtatrabahuan ay masyadong mahina ang nakakalap na internet ng lalaki dahil na rin sa madalas sumungit ang panahon doon dahil sa snow. Kaya hanggang tawag lang sila palagi.

“Madilim na ang kuwarto mahal ko, ayoko nang tumayo para buksan ang ilaw,” saad pa niya. Pero ang totoo kahit pa nakapatay na ang ilaw kung gugustuhin niyang magpadala ng picture dito ay pwedeng pwede naman. Ang sabihin niya ay tinatamad na kamo siyang mag-edit pa dahil sa tuwing magpapadala siya ng picture o magpo-post sa social media ay gusto ng lalaki na malinaw na makikita ang mukha niya at katawan. So kailangan niyang pagandahin at pakinisin ang mukha na may iilang tagyawat sa pisngi at pa-sexy-hin ang payat na katawan.

“O sige, next time na lang,” anito. “Heto na, tatabi na ako sa iyo,” dugtong pa nitong sambit sa kausap.

“Okay,” walang kaeksa-excitement na sagot niya. Paano’y nawiwirduhan siya sa nakatakdang gagawin nila.

“Namnamin mo ang sasabihin ko ha, para may feelings,” saad pa ng lalaki. “At tsaka ipikit mo ang mga mata mo para maimagine mong mabuti.”

Sumang-ayon naman siya.

“Heto na, yayakapin na kita ng mahigpit… Hmm.. Mahal ko, ang bango bango mo naman…” anito na tila ba ipinarinig pa sa kanya kung paano siya pakasimsimin ng lalaki.

Napapangiti lang naman siya sa kilig na nararamdaman.

“Hahawakan ko ang hita mo ha... Wow ang kinis. Ang sarap haplos haplusin.” sambit pa nito.

Sa mga oras na iyon ay naipikit na niya ang mga mata at sinimulang imagine-nin ang mga idinidikta ng lalaki. Ewan niya ba kung bakit tila nananayo ang mga balahibo niya sa kanyang mga braso. Sa kabila noon ay maganda naman ang dulo’t noon sa kanyang pakiramdam. Wari ba’y unti unting nag-iinit ang kanyang buong katawan.

Nagpatuloy si Billy sa pagsasalita at siya naman ay nakikinig lang. Lahat ng iniutos nito na dapat niyang gawin ay walang pag-aalinlangan na sinusunod niya hanggang banggitin nito na pakahawakan niya ang kanyang sarili. Ang pribadong parte ng kanyang p********e. Sa simula ay nagdadalawang isip pa siyang gawin. Ngunit kalaunan ay ginawa niya na rin. Weird ang feeling sa simula hanggang sa nagustuhan na rin naman niya. Sa mga sumunod na sandali ay effortless ang pinakawalan niyang mga paghalinghing na bumalot sa loob ng madilim niyang kuwarto. Natapos sila nang hindi siya makapaniwala na magagawa iyon sa sarili. First time iyon, at hindi niya lubos maisip na sa edad niya ngayon ay ngayon niya lang iyon nadiskubre. Noong gabing iyon, tulad niya ay wala ring paglagyan ng kaligayahan ang lalaki.

“Mahal ko, sana magawa natin ito sa araw ng pagkikita natin noh? Yung totohanan na talaga,” saad nito sa dalaga.

“Ha?” bigla siyang napamaang sa narinig.

“Bakit, ayaw mo ba?”

“Hindi naman sa ayaw ko.. Pero,” may pag-aalinlangan niyang sambit.

“Sabi mo mahal mo ako ‘di ba?” paalala ulit nito.

“Oo naman. Papayag ba ako na gawin natin ang ginawa natin kanina kung hindi kita mahal?”

“‘Yun naman pala eh, bakit parang nag-dadalawang isip ka?”

“Hindi naman kasi madaling gawin ang gusto mo,” sagot niya lang.

“Ano ba ang ikinakatakot mo? Ang iwan kita pagkatapos nang may mangyari sa atin?”

Hindi na siya nakapagsalita pa dahil iyon naman talaga ang tumatakbo sa isipan niya ngayon. May ibang lalaki kasi na virginity lang ang habol sa isang babae. Knowing na sa messenger at sa phone lang sila nag-uusap, hindi siya one hundred percent na sure na totoo talaga ito sa kanya. Dagdagan pa ng hindi pa nito alam na edited lang pala ang mga picture na ipinapadala niya dito. Ano kaya ang magiging reaksyon nito kapag nalaman iyon?

“Mahal ko, ilang beses ko bang sinasabi sa iyo na hindi kita iiwan? Mahal kita, iyan lang ang itanim mo sa isipan mo,” saad nito tungkol sa nararamdaman sa babae.

Dahil doon ay biglang nawala ang agam agam niya sa dibdib. “Alam ko naman iyon. Pero mahal ko, gusto ko sanang ibigay sa iyo ang virginity ko sa gabi pagkatapos ng kasal natin,” pagpapaliwanag pa niya dito.

“Pwede naman nating i-advance eh. Tutal, sure na tayo na sa kasal rin naman ang tuloy natin, ‘di ba,” pagpupumilit pa nito sa gusto.

Natahimik naman siya.

“Okay. Kung gusto mo pagkatapos nating gawin iyon, dumiretso tayo sa munisipyo ng Maynila. Magpakasal tayo roon. Basta dala na natin ang lahat ng kailangan natin,” suhistyon ng lalaki.

“Ha? Ganoon kabilis?” nawindang siya sa sinabi ng kausap.

“Ganoon kabilis kasi ganoon kita kamahal,” malambing pang saad nito.

Tila nawala ang agam agam niya sa mga sinabi ng lalaki. Nagbigay iyon ng security sa kanya na totoong tao ito maging ang lahat ng sinasabi nito.

Hanggang sa isang araw, noong maaga siyang umuwi at naisipang tawagan ang lalaki sa mismong number nito.

“Oh Babe, may nakalimutan ka bang sabihin? Ang bilis mo naman yata akong ma-miss.” Nakangising bungad nito sa kanya.

Napakunot siya ng noo. Tiningnan niya ang screen ng phone kung tama ba ang taong tinatawagan niya, tama naman. Pero sino ang tinutukoy nitong babe na mukhang kakausap lang yata nito ayon na rin sa pagkakabanggit nito?

Bigla siyang kinabahan. Tila ba may mali noong mga oras na iyon.

“Babe???” pagtatakang tanong niya dito. Sinusubukan niyang kumalma ngunit ang totoo ay nagpupuyos na ang galit sa kanyang dibdib.

Narinig niya ang tila pagkataranta ng lalaki. Nagpakawala pa ito ng mahinang pagmumura sa tila maling pagtawag sa kanya. Doon pa lang ay nakumpirma na niya, may iba pa itong kinakausap maliban sa kanya. Halos umusok ang ilong niya sa galit.

“O-oi mahal ko, may nakalimutan kang sabihin?” saad na lang nito na nauutal pa sa hindi malamang gagawin.

“Anong may nakalimutan akong sabihin eh ngayon lang tayo nag-usap?” halos singhalan niya na ito sa kabilang linya. “At sino yung babe na tinutukoy mo?” tanong niya pa.

“Ah, yun ba? Wala yun. Nagkakakwentuhan kasi kami dito ng mga katrabaho ko tungkol sa mga girlfriend nila…” nagpatuloy ito sa pagsasalita pero tila ba wala nang pumapasok sa tenga niya. Hinaharang na ng kanyang isipan ang lahat ng mga alibis nito na obvious naman na hindi totoo.

Galit na galit siya na bakit ba binigyan pa niya ang lalaki ng chance na makapagpaliwanag, eh malinaw naman na nagloloko ito. Sabi na nga ba, bakit ba sandali siyang nakumbinsi nito na siya lang ang bukod tanging girlfriend nito eh ayon nga sa paniniwala niya noon pa man na manloloko ang mga seaman.

Sa galit ay pinindot niya ang end call button at napaluha na lamang. Maya maya pa ay narinig niya ang pagri-ring ng kanyang telepono. Si Billy iyon. Sigurado siyang gusto ulit nitong magpaliwanag pero hindi na niya iyon sasagutin. HIndi na siya nito mabobola pa.

“Mahal ko, nagsasabi naman ako ng totoo. Sagutin mo ang tawag ko,” ani pa nito sa ipinadala nitong mensahe. “Maniwala ka. Ikaw lang ang mahal ko. Di ba nga may mga plano na tayo?”

Bigla siyang natigilan sa sinabi nito. Oo nga pala, may plano na sila. Planong magpakasal pagkatapos niyang ibigay dito ang virginity niya. What a foolish plan. Mapakla siyang napangiti nang pakaisipin iyon. Paano nga ba siya napapayag nito sa kundisyong iyon, eh ang totoo’y gusto lang nitong makuha ang p********e niya. Lalo siyang nanggalaiti sa galit. Maya maya pa ay kinuha ulit ang telepono at binura ang numero nito sa contact list niya. Maging sa social media kung saan sila unang nagkakila, b-in-lock niya ito. From that day on ay ipinangako niya sa sarili na hinding hindi na siya magpapabola pa sa isang lalaki.