“Bakit ba ganito?”
Natatawang napatingin na lang si Katkat kay Gio na tila pasan ang daigdig. Mas lalo siyang natawa nang makitang sinusuntok-suntok pa nito ang unan.
“Bakit ba naiinis ka na naman?”
Umupo siya sa kama at tumabi kay Gio saka yumakap sa baywang nito para mawala ang init ng ulo nito kahit papa'no. Napabuntong hininga na lang si Gio at gumanti nang mahigpit na yakap sa kanya.
“Paano naman ako hindi maiinis, kasal na tayo't lahat lahat, hindi pa rin ako tanggap ng mga magulang mo. Tapos nung pinakilala kita sa mga magulang ko, tinanggap ka kaagad. Tama ba 'yon? Sana ako na lang ang babae,” reklamo ni Gio habang nakasimangot pa rin.
Natawa na lang siya sa paghihimutok ng asawa, yumakap siya sa batok nito at dinampian ng halik ang labi nito. Napanguso na lang siya nang nana
