Ang klima ay hindi malamig at hindi rin mainit. Ang kalsada ay basa pa dahil sa pag-ulan ng nakaraang gabi. Ang haring araw ay papasikat palang, bago palang ipapamalas sa paligid ang gandang taglay ng kanyang sinag.
"Still sleepy Little S?" tanong ni Kuya Van sa akin.
Nasa biyahe kaming dalawa ni Kuya Van, lulan ng kanyang sasakyan ay patungo kami sa lugar na ipinangako niya sa akin na pupuntahan namin.
"Medyo," hikab ko.
"Matulog ka muna," lingon niya sa akin na agad ring ibinalik ang mga mata sa kalsada, "Gigisingin kita kapag kakain tayo,"
"Gaano ba kalayo Kuya Van?"
"Medyo mahabang biyahe Suzy," tugon niya.
"Okay, goodnight." saad kong mahigpit na niyakap ang dalang unan.
Nang magising ay nasa kalsada pa rin kami, hindi ko mahulaan kung anong oras na dahil medyo mataas n
