EPISODE 39
“Mukhang masayang-masaya ka a…” ang sabi ko kay Timothy. Magkasama na kami ngayon at nandito na kami sa cafeteria at kasalukuyang kumakain. Alam ko naman kung bakit siya masaya at ayaw ko mang mainis sa tuwing iisipin ko ang dahilan ng pagiging masaya niya, wala eh, hindi ko mapigilan.
Napangiti si Timothy. “Oo… Masayang-masaya ako.” Sabi niya. “Nakausap ko na kasi siya at mas nakilala…” sabi niya.
Napatango na lamang ako bilang sagot sa sinabi niya. Uminom ako sa bote ng nabili kong alkaline water.
“Hindi ko nga akalain na kakausapin niya ako e… Bukod sa ang ganda-ganda niya, ang bait-bait pa niya…” at nagsimula ng magkwento si Timothy tungkol sa naging pag-uusap nila ng Sophia The First na iyon. Oo, pangalan ng cartoon character ang tawag ko sa babaeng iyo
