"Andy!"
Dinig ni Andy ang boses na tumatawag sa kanyang pangalan nguni't hindi niya matukoy ang pinagmumulan nito. Hindi rin niya matiyak kung sino ang nagmamay-ari ng boses. Parang si Jang-Mi? O baka si Greg? O silang dalawa na magkatugmang isinisigaw ang kanyang pangalan.
Nananaginip muli si Andy at ang kanyang namamalas ay tila karugtong ng huli niyang panaginip. Siya'y nababalot ng liwanag at hindi siya makagalaw. Naninigas ang kanyang katawan at wala siyang kakayahan na igalaw ang kanyang ulo upang tanawin ang pinanggagalingan ng boses na tumatawag sa kanya. Tanging mga mata niya ang nagagawa niyang ikutin nguni't limitado ang kanyang nakikita. Ilaw. Tanging ilaw lamang ang kanyang nasisilayan.
"Andy!"
"Andy!"
Muling tumawag ang mga boses, nguni't ngayo'y mas malakas na para bang
