"Mang Tano, huwag n'yo ho akong takutin." Napatutop sa dibdib ang ginang dahil sa tinuran ng albularyo.
"Naramdaman ko ang kapangyarihang taglay ng nilalang na iyon. Hindi siya pangkaraniwan at naiiba sa mga nakaharap ko na. Hindi siya isang maligno o engkanto lang. Hanggang ngayon ay nasa paligid lamang siya. Dama ko ang masamang presensya niya." Napa-krus ang matanda at umusal ng dasal na hindi maunawaan ni Aling Dela.
"Credo in Deum Patrem omnipotentem, Creatorem caeli et terrae. Et in Iesum Christum, Filium eius unicum, Dominum nostrum, qui conceptus est de Spritu Sancto, natus ex Maria Virgine, passus sub Pontio Pilato, crucifixus, mortuus, et sepultus, descendit ad infernos, tertia die resurrexit a mortuis, ascendit ad caelos, sedet ad dexteram Dei Patris omnipotentis, inde
