Tahimik na naghahanda si Oslo sa pagpasok niya sa opisina. Inaayos niya ang pagkakatali ng kulay navy blue niyang necktie sa collar ng suot-suot na niyang puting longsleeve polo habang nakatayo sa harapan ng malaking salamin at diretsong nakatingin rito.
Nakaupo naman sa gilid ng kama si Ashley habang nakatingin kay Oslo. Hindi niya maikakaila sa sarili na napakagwapo talaga nito. Ngayon lamang siya muli humanga sa kakisigan at kagwapuhan ng isang lalaki dahil si Rim ang naging mundo niya sa maraming taon.
“Oo nga pala, nagsimula na ang pagsunod-sunod at pagbabantay ng mga inutusan kong tauhan sa asawa mo at sa kabit niya,” ani Oslo kay Ashley. Tiningnan niya ito mula sa repleksyon sa salamin.
“Ayon sa kanila, alam na ng lahat na patay ka na. May nakitang bangkay malapit sa bahay na nas
