MALAPIT nang mag-alas tres, kaya naman ay dali-dali akong nagpunta sa room 113. Wala pang estudyante sa loob kaya umupo muna ako roon. Hindi ko nga namalayang nakaidlip pala ako. Hanggang sa nagising na lang ako nang may gumising na sa akin.
"Kuya? Dito rin po ba ang klase ninyo, dito po sa room na ito? Ilang minuto na lang kasi at darating na ang professor namin," sabi ng isang estudyante sa akin at bigla akong napamulat. Taranta nga akong nag-alis ng muta kung mayroon man.
"H-hindi! P-pasensya na kayo!" sabi ko at nahiya tuloy ako. Naisipan ko na ngang lumabas.
"'Di ba si Mellard Cruz iyan? 'Yong tumalo kay Andrew Lawton sa Ultimate Quiz Bee Challenge?" sabi noong isa.
"Oo nga! Siya nga iyan, naku... magaling 'yan! Ui kuya... congrats nga po pala, hanga po talaga kami sa 'yo!" sabi n
