KUMUNOT ang noo ni Sylve. Pagkatapos kasi maglinis sa kusina napansin niyang hindi na niya naririnig ang boses ng anak. Sa kakaiwas kasing harapin si Keith pati mga nakatambak na maruming kaldero nilinis niyang maigi. Mahinang tunog na lang mula sa TV ang naririnig ngayon. Ni hindi niya namalayan kung kailan iyon binuksan.
Sumilip siya sa sala at nakitang natutulog sa mahabang sofa si Yona habang yakap ang naka-frame na certificate nito nang unang beses na manalo sa isang tae kwon do competiton. Nakasalampak ng upo sa sahig si Keith, nakatitig sa mukha ng bata habang may masuyong ngiti sa mga labi.
Ayaw ni Sylve maapektuhan pero natunaw ng konti ang depensa niya dahil sa nakikita. Huminga siya ng malalim at dahan-dahang naglakad palapit sa mga ito. “Kailan
