“MAKAKAUWI na tayo bukas sa Maynila.”
Napaangat ako ng tingin kay Jacob nang bigla na lamang itong sumulpot sa aking tabi. Tangan nito sa magkabilang kamay ang dalawang tasa ng kape na umuusok pa.
“Oo nga, eh. Are you ready?”
Napansin ko ang pagkunot ng noo niya bago inilapag ang isang kape sa aking harap. “Coffee?”
“Thanks.”
Tipid lang na ngiti ang isinagot niya sa akin bago siya umupo sa aking tabi kaya dagli akong umusod para magkaroon ng mas maluwang na espasyo para sa kaniya.
“Ready for what?” maang niyang tanong kahit alam naman na niya ang pinupunto ko. Ang sabi kasi ni lolo Danilo ay nakausap niya ang driver ng bus na bumibiyahe pa-Maynila.
“Ready sa pagbabalik natin sa Maynila. Siyempre kapag bumalik na tayo roon, magtatanong sila k
