TUMINGIN ako sa aking kanan kung saan nakapuwesto si Jacob na panay ang tungga ng alak. Matapos kasi ang isang masarap na hapunan ay nagyaya na ang ilan naming kaedaran para sa madalas din nilang ginagawa rito tuwing biyernes. Ang mag-inuman sa palibot ng ginawa nilang malaking bonfire.
Magkaiba ang puwesto ng mga nakakatanda dahil nasa kabilang bahagi sila. Ang mga maybahay naman nila ay nagkakasiyahan rin sa tabi. Kasama na roon si lola Dalia. Pati ang mga bagets ay may sarili ring mundo. Masaya silang naglalaro ng tagu-taguan. Ang lulutong ng mga tawa nila. Ang sarap pakinggan.
Sa puwesto namin ay katabi ko si Jacob sa aking kanan, katabi si Eliza na walang ginawa kung hindi dumikit na parang dikya at magpapansin sa kaniya. Duh? Halatang-halata ang paglalandi ni ate mo, girl
