"Saan tayo?" takang tanong ni Raine ng marating nila ang airport. Natanawan niya sa di kalayuan ang private plane ni Carlo. "Aalis tayo? P-papano y-yung-"
"Kailangan nating umalis ng Italy, magtatago muna tayo," sagot ni Carlo. Mabilis itong bumaba ng sasakyan, sumunod din siya. Muling hinawakan ni Carlo ang mga kamay niya at tila ba ayaw nito iyong bitawan. Mabilis nilang narating ang eroplano, si Carlo naman ay agad na tinungo ang cockpit. Kinakabahan siyang sumunod dito.
"Y-you're going to fly this the plane?" alanganing tanong niya.
"Yes sweetheart," anito habang abala sa pagswitch ng mga controls ng plane. Mayamaya pa ay umandar na iyon at mataktika nitong minaniobra palabas ng hangar patungo sa runway.
Sumilip pa muna ito sa bintana at nakita nito ang mga armadong lalaki na tiyak
