Chapter 53
“May mali sa nangyayari, Wave. Dapat kanina pa natin nakita ang dalawa kung walang pumipigil o nagtatago sa kanina. Mukhang may gustong sabutahin ang plano ninyo at ang misyon. Kailangan nating malaman agad kung sino ang nasa likod ng lahat,” biglang sabi ni Lupa nang magkita muli silang dalawa pagkatapos sa paghahanap.
Halos nalibot na nila ang buong bundok ng Hilaya, pero hindi pa rin nila natatagpuan sina Asula at Evan. kumuyom ang dalawang kamay ni Wave, habang pinipigilan ang sarili na huwag magalit, pilit kinakalma ang emosyon na gustong bumangon sa kanyang katawan.
“Kung hindi gumagana ang kapangyarihan dito sa loob ng bundok Hilaya. Sino ang may kakayahan na gawin iyon sa kasamahan ko?” tanong niya.
Huminga nang malalim si Lupa. “Ang mga nilalang na naninirahan dit
