Hindi malaman ni Evan kung ano ang mararamdaman sa mga oras na iyon. Bigla na lamang dumating ang isang lalaki na misteryoso sa kanyang harapan. May suot itong hoodie jacket habang nakatayo at nakangiti sa kanya. Wala ang mga magulang niya dahil umalis ang mga ito para kuhanan siya ng makakain sa araw na iyon.
Tama nga ang mga magulang niya. Kailangan niya lang maghintay ng tamang pagkakataon at darating din ang inaasam niyang may magbibigay sa kanya ng misyon. Hindi nga kang niya inaasahan na sa mismong araw na iyon darating. Parang nanaginip din lang siya at hindi pa rin makapaniwala. Pakiamdam niya ay nakalutang pa rin siya sa himpapawid at nanaginip ng gising. Pero hindi, ang lahat ng iyon ay totoo at talagang binigyan siya ng misyon ng isang nilalang na may mataas na ranko sa mundo n
