“BAKA NAMALI lang ako ng tawag?” tanong ni Asula kay Evan habang magkaharap silang dalawa na naka-upo sa couch.
Kanina pa sila tumatawag kay Wave pero wala man lamang dumating. Naghintay pa sila ng isang oras pero wala talaga, hanggang sa nilamok na sila sa labas. Kaya napagpasyahan nilang pumasok na lamang sa loob.
Umiling si Evan bilang sagot kay Asula. “Hindi, ate. Tama naman ang mga naging sagot mo sa mga tanong ko, e. Mukhang may mali talaga.”
Problemadong-problemado ito habang nakalumbaba. Hindi rin maiwasan ni Asula ang mag-alala. Kung may mali man, ano ang maari nilang gawin para matawag si Wave? “Wala na bang ibang paraan para matawag si Wave?”
Napahinga nang malalim si Evan. “Wala na talaga, Ate Asula. Hindi ko alam kung bakit ganoon ang nangyari, pero dapat kanina pa si Kuy
