NAGDESISYON si Asula na tapusin na muna niya ang kanyang mga Gawain saka niya ipapasyal sa kung saan si Evan. Deserve nito na i-treat niya kahit papaano, pambawi man lang niya sa pagtulong nito sa paglinis ng kanyang bahay. Hindi naman kasi niya alam kung ano ang pwedeng pambawi sa bata. Alam niya na nasanay na ito sa pamumuhay sa mundo nila bilang isang tao. Kaya iyon na lamang ang na-isip niyang paraan kung ano. Napahinga siya nang malalim saka pumikit nang mariin. Nahihiya siya na tawagin sa mga oras na iyon si Evan. Abala na naman ang bata sa pagpupunas ng bintana saka ng mga salamin. Umiling siya saka lumapit dito.
“Evan, saan mo gustong pumunta mamaya? Lalabas din naman kasi ako para makapag-refresh ng utak sa mga isinulat ko,” anyaya niya, saka umupo sa sofa.
Napatigil naman ang
