Nagtungo kami sa pantry, nakaupo na ang mga katrabaho ko sa isang mahabang mesa at kumakain. "Oh, mamaya na ang date, kumain muna kayo," biro ni Leslie.
Napatawa ako, date ba 'yon? "Ipinakita ko lang sa kaniya ang building. Tour lang." Naupo na ako sa tapat ni Leslie, si Julian na raw ang oorder ng pagkain ko.
"Sasagutin mo na ba siya?" tanong ni Luke habang sumusubo ng kanin pero nakatingin sa akin.
Napailing ako. "Naku, hindi pa. Matagal pa 'yon. Manligaw muna siya."
"Ang swerte mo sa kaniya. Bukod sa gwapo at macho ay mukhang mabait," biro ni Leslie. Tumunog ang phone nito.
"Gwapo rin ang bf mo ah." Nakisilip ako sa phone niya. Nami-miss ko na ang phone ko. Malamang sira na
