Nagsimula nang mag-ingay ang mga bisita nang matapos kumain ang lahat. Si lola naman ay nagpaalam na at tinungo ang kaniyang silid upang makapagpahinga na. Ang kapatid ko namang si Siri ay nagpaalam para sumaglit sa kaklase na may kaarawan ngayon. Nagkaroon ng munting salo-salo na nauwi rin sa malaking handaan dito sa bahay. Nagtulong-tulong ang mga kaibigan ni Magnus para dito. Triple celebration daw kasi. Una, para sa graduation ko. Pangalawa, pa-welcome party sa pagdating ni Magnus. Pangatlo, para sa celebration daw ng kasal na inilihim namin. Hindi pa kami nakakapag-usap ni lola pero nababasa ko naman sa uri ng tingin niya sa akin ang pang-unawa at saya. Ang mga kaibigan naman ni Magnus maliban kay Gevren ay tinadtad siya ng mura dahil sa paglilihim daw niya. Para silang grupo ng mga l
