MATAPOS kong kausapin ang lolo at daddy ni Magnus na ngayon ay lolo at daddy na rin ang tawag ko, pumunta na ako sa gitna para sa walang kupas na throwing of bouquet para sa mga kadalagahan.
"Okay, ready na kayo, single ladies?" tanong ko sa mga dalaga na nakahilera sa likuran ko para saluhin ang bouquet. Nakagawian na tuwing kasal, eh.
"One . . . two . . . three . . ." bilang ko sabay hagis ng bouquet sa kanila.
Pero laking gulat ko dahil hindi naman sa mga single ladies na nakatayo sa likuran ko bumagsak ang bouquet kung ’di sa kapatid kong si Siri na nakaupo lang. Biglang napawi ang ngiti nito at nagulat pa kaya itinapon ang bouquet sa sahig. Pero ang mas ikinagulat ko ay ang pagpulot ni Dastan sa bouquet saka ibinigay sa kapatid ko!
Anak ng. . .
May hindi ba ako alam? Pero ang
