MATINDING katahimikan ang bumalot sa amin matapos kong magtanong sa kanila. Gulung-gulo ako at tila nananaginip pa sa mga narinig. Did I hear her right? Talaga bang…anak nila ako?
“Let’s talk about it, hija. Please, have a seat,” sabi ni Mr. Samaniego.
Kung hindi pa ako marahang hihilahin ni Mrs. Samaniego ay hindi pa ako makakapaglakad sa sobrang pagkawala ko sa sarili.
I can’t believe this! Anak ako ng may-ari ng isa sa pinakamalaking cement and metal fabrication company sa bansa—kung totoo man ang sinasabi nila.
Naupo ako sa isang silya sa tapat nila habang ang mag-asawang Samaniego naman ay magkatabi.
Alam ko na pareho nilang hindi alam paano sila magpapaliwanag sa akin pero gustong-gusto kong malaman kung anong ibig nilang sabihin kanina.
“Anak ka namin,” sabi ni Mr. Samaniego.
