حواديت

الجزء التاسع

مشيت وانا مقررة انى ارمى الماضي ورا ضهرى هبدا من جديد وهعيش لنفسي

-مصطفي كان واقف برا القسم:عملتى اى بلغتى عنه

-سامحته

-استغرب او ممكن نقول اتصدم:سامحتيه طاب ازاى انا كنت متخيل انك هتقولى كل حاجة

-بصتله بدموع:انا سامحته عشانها يمكن هى كدبت عليا بس عمرها ما قسيت عليا كانت بتحبنى وربتنى انا مش قادرة اكرهها وسامحته عشانها

-ابتسم:انتى طيبة اوى

-اتن*دت:هروح فين انا دلوقتى

-امممم تعالى معايا

-على فين

-بطلى رغى بقي وامشي

"""""""""""""""""""""""""""""" '

بعدها بشوية وصلنا عند عمارة

-استنى قبل مانطلع انا فين هنا

-اتن*د:انتى ف شقتى يستى

-ده الى هو ازاى

-المفروض كنت هتجوز ف الشقة دى بس محصلش نصيب وفركشنا وانا حاليا قاعد مع ماما زى ماانتى شايفة واانتى هتقعدى فيها

-انا حاسة انى برخم عليك كدا

-ابتسم: احلى رخامة ف الدنيا

-معرفتش ارد كلمته احرجتنى

-ضحك:خدودك هتنفجر من كتر ما احمرت يلا تعالى

-طلعنا الدور اللى فيه الشقة

-انا هقعد هنا

-اعتبريه بيتك يا اروى انا لو جيت هنا هبقي جاى عشان اطمن عليكى زى زى الضيوف وعمرى ماهكون ضيف رخم

-بصتله بامتنان حقيقي:انا مش عارفة اقولك اى يا مصطفي انت انسان كويس اوى شكرا لكل اللى عملته عشانى

-ابتسم:العفو ياانسة اروى عبد العزيز..سلام

وبعدها مشي انا عالطول كنت بشوفه كانوا الملجاء اللى برتاح فيه شوية من قسوتهم عليا بس مصطفي قبل كدا ودلوقتى اثبتلى ان هو الحاجة الوحيدة الحلوة ف كل ده يمكن لو مكنش موجود مكنتش هعرف اعمل حاجة لوحدى كنت بتمشي ف الشقة وبالرغم من انى لوحدى بس كنت مطمنة اللى كانوا بيخوفونى معدوش هيقربوا منى تانى واخيرا هرتاح ابتدت حياة جديدة بطلتها اروى عبد العزيز والماضي مش هياثر على مستقبلى

الباب خبط قربت براحة:مين

-انا مصطفي يااروى

-فتحت:اتفضل

-ابتسم:انا جبتلك اكل متنميش غير اما تكلى

-شكرا يامصطفي بس انا مش جعانة

-انتى مكلتيش من الصبح بعد اذنك اتفضلى عشان تاكلى

-خدتهم منه وابتسمت:ممكم تيجى تاكل معايا طيب

-ابتسم:بس انا مش جعان

-ماهو انت كمان مكلتش حاجة من الصبح

-ضحك:يبقي ناكل سوا

-قعدنا حطينا الاكل وابتدينا ناكل وجوده كان محسسنى بونس وانى مش لوحدى وانى لو احتجته هلاقيه خلصنا اكل

-طيب استاذن انا بقي عشان تنامى

-مصطفي

-نعم ي اروى

-انا عاوزا اشتغل

-ابتسم:بكرا نتكلم ف الموضوع ده

-ماشي

-تصبحى على جنة

-وانت من اهلها

-هو مشي وانا دخلت انام مش نايمة على الارض مش نايمة بعيط مكنتش حاسة بوحده قد ماكنت حاسة براحة الماضي ش*هنى وملامحى بقيت باهتة وكئيبة بس انا كان عندى حماس انى اغير كل الوحش اللى كان ف حياتى وابتدى حياة سعيدة

"""""""""""""""""""""""" '

نزلت اشتغل ف محل ملابس كانت شغلانة بسيطة ومتعبة بس انا كنت مبسوطة واللى زود ساعدتى اكتر انى كملت تعليمى ودخلت الجامعة وكل انجاز كنت بعمله كنت بلاقي مصطفي اول واحد جمبي كان بيفرحلى من قلبه وانا كانت فرحتى بتكمل بوجوده -------------------------- "

الباب خبط

-ايوا جاية

فتحت لقيت مامت مصطفي قدامى

-ابتسمت:مش هتدخلينى يااروى

-لا طبعا ده بيتك اتفضلى

دخلت وكانت واقفة تبصلى

-ااا انا هعملك حاجة تشربيها

-الباب خبط تانى بس كان مصطفى

-دخلت عملتلهم حاجة يشربوها وقدمتهالهم

-قربت منى:انتى لسة زعلانة منى يااروى

-ابتسمت وبصتلها:انا نسيت الماضي خلاص

-عنيها دمعت:وحشتينى

-ابتسمتلها بدموع:وانتى كمان يخالتى

-لا بلاش خالتى قوليلى ياماما

-حضنتها:وانتى كمان ياماما

-انا هعيط ياجماعة

-ضحكت:لا محدش هيعيط

-بصلى:اخر امتحان بكرا

-اتن*دت:ايوا ربنا يستر

-ابتسم:متقلقيش هتعدى وتجيبي مجموع كمان

-انشالله

مشيوا وانا فضلت سهرانه عشان اكمل مذاكرة بس تليفونى رن برقم مصطفى

-الو

-صحيتك

-ابتسمت:لا انا منمتش اصلا بذاكر

-نامى شوية عشان تبقي فايقة بكرا

-اتن*دت:عاوزا اقفلها بكرا

-انشالله هتحلى كويس اوى انا عارف انك قدها

-ابتسمت وبدون وعى قولت:انا ديما ببقي قدها بوجودك

-قولتى اى

-ارتبكت:م مقولتش حاجة سلام عشان هنام

وقفلت التليفون

-اتن*دت وكملت مذاكرة او حاولت اكمل مذاكرة مقدرتش ابطل تفكير فيه

اتن*دت وحاولت انام:وجودك هو العوض عن كل الوحش اللى حصلى يا مصطفي

-------------------------- _

الامتحان الاخير خلص وكان سهل كنت خارجة فرحانة ومن فرحتى كنت بعيط العياط بقي مقترن عندى بكل حاجة بالحزن والفرح وقتها جيه ف بالى يوم ما كنت هنتحر انا كانت هتفوتنى حاجات كتير حلوة كان هيفوتنى انى اعرف اسمى الحقيقي وكانت هتفوتنى الجامعة والشغل كان هيفوتنى وجود مصطفي ف حياتى اللى بقي شئ اساسي ف يومى

-اتقابلنا بليل:انا قفلت الامتحان

- ابتسم:كنت واثق انك هتقفليه قولتلك انتى قدها

-انا بجد مبسوطة اوى انا خلصت سنة اولى انا ف الجامعة بجد انا واخيرا مبقتش انام خايفة او زعلانة..انا انا بحبك

-ابتسم وبصلى شوية:عارف اصلا عنيكى فضحاكى

-ارتبكت:انا اسفة مكنتش اقصد

-ابتسم و وقف قدامى:ششش وانا كمان بحبك

"وفي ضمتك تستكين اوجاعى..?"

#النهاية