حواديت

الجزء الخامس

وانا بحبك اكتر يادكتورتى الصغيرة

-بس يا بابا هو فقد مراته وابنه حضرتك كملت عشانى هو مش لاقي حاجة يكمل عشانها

-تعرفي ايا كان مين الشخص ده وحكايته اى بس هو هيتعب دلوقتى ويتعب جامد بعدها هيرتاح وهينسي كل الوجع

-طاب اعمل اى يابابا

-انتى عوزانى اغششك ولا اى يادكتورة خديجة

-قولى بس محدش واخد باله

-ضحك:يلا يابنت من هنا عندى شغل

-ماشي ياحجيجة سلموا عليكوا

سبتوا ومشيت بعد ماخدت الطاقة الايجابية اللى اقدر اكمل بيها طول عمرى بدعى ان ربنا يرزقنى بواحد يحبنى نفس حب بابا لماما ودلوقتى بتمنى الاقي شخص يحبنى زى ما اياد لسه بيحب اية روحت البيت حضرت الاكل واستنيت بابا كلنا سوا وكل واحد دخل اوضته عشان ينام او المفروض انى هنام بس كنت بفكر ف اياد بفكر ازاى هيخليه يرجع يعيش حياته من تانى بعد وقت نمت

*****************

-لبست هدومى خرجت عملت سندوتش وكنت همشي

-اقعدى كلى ياخديجة

-اتاخرت يابابا لازم اروح اشوف اياد

-اياد مين

-اياد مين؟انا قولت اياد

-اها قولتى اياد

-استغربت :انا فعلا مخدتش بالى انى قولت كدا انا اقصد اتاخرت على الشغل

-ابتسم:ربنا معاكى يا ديچا

نزلت ركبت عربيتى وروحت المستشفي بس قبل مااطلع المبنى شوفته قاعد قدام الورد اتصدمت وفرحت انا مكنتش متخيله انه هيسمع نصيحتى بسرعة كدا ابتسمت واديت شنطتى للمرضة عشان تطلعهالى وانا قربت منه

-ابتسمت:مبسوطة انك خدت الخطوة دى

-بصلى ومردش ورجع بص للورد تانى

-اتن*دت وقعدت جمبه:بتحب الورد

-انا نزلت عشان اشوف الشمس زى ما قولتى بس تقريبا الشمس مش عاوزا تشوفنى

-لا ياعم متقولش كدا هى بنتنا بس خجولة شوية

-هى مين

-الشمس

-ملامحه ابتسمت بعدها ضحك اتفاجئت لدرجة انى ضحكت معاه من الفرحة رغم انه افيهه سخيف بس ضحكته خلتنى مستعدة اجيبله الخليل كوميدى عشان ميبطلش ضحك

-انتى فظيعة علفكرا

-سرحت ف ضحكته:وانت ضحكتك حلوة اوى متبطلش تضحك

-بصلى وابتسم

-حسيت بااحراج من الى قولته انا معرفش قولت كدا ازاى ومعرفش ليه من وقت ما شوفته وانا بتمنى الوقت ميخلصش عشان افضل معاه

-انتى مش خايفة منى

-اخاف منك ليه

-ممكن ااذيكى

-لا متخفش هعرف ادافع عن نفسي بس ممكن اسالك سؤال

-اتن*د:اسالى

-انا قعدت معاك لحد دلوقتى مرتين والمرة الاولى اللى شوفتك فيها سلوكك مكنش عدوانى ومحاولتش تأذينى ليه كنت عدوانى مع أهلك

-الدموع ابتدت تتجمع ف عينه:مكنوش بيحبوا اية حسيت انهم فرحانين ف موتها شكلهم كان بيعصبنى

-انت بتحب أية اوى كدا

-حبها شبه الوشم الجميل لا بيتشال بسهولة ولا اصلا هتشيليه لانك حابة شكلوا

-امم طاب ما تحاول تشيله يمكن ترتاح

-اتن*د:الوشم ده هو اللى مخلينى بتنفس لحد دلوقتى

-قومت من جنبه روحت ناحية الورد لبست الجاونتى وخدت المقص قصيت وردة ونضفتها من الشوك ورجعت قعدت مكانى تانى

-قدمتله الوردة:اتفضل

-اى دا

-ابتسمت:انت انهاردا اتخطيت مرحلة كبيرة من العلاج لوحدك ودى مكافئتك

-ابتسم وخدها:اتعلمتى فين تتعملى مع الورد

-ابتسمت:بابا تقريبا عامل مشتل ورد ف البلكونة وهو اللى علمنى

-ابتسم وقام وقف:انا هطلع اوضتى

الغيوم ابتدت تفتح شوية والشمس ظهرت

-ضحكت:شوفت مش قولتلك بنتنا خجولة شوية

-ابتسم وطلع

وانا فضلت ابص لطيفه وابتسمت بفرحة وطلعت على مكتبي يومى ابتدا بيه وكنت مبسوطة اوى انه قدر يعدى مرحلة كبيرة كدا لوحده ابتديت اندمج مع الورق اللى قدامى بس الباب خبط

-ادخل

-دكتورة خديجة المريض اياد بيزعق جامد وبيقول انه عاوز يخرج دلوقتى من المستشفي

-استنى انا جاية معاكى

وصلت اوضته والممرضين بيحاولوا يمسكوا وهو م**م يخرج

-زعقت:سيبوه

-سابوه وهو وقف قدامى وبصلى:انتى قولتى هتساعدينى صح

-في اى يا اياد عاوز تخرج ليه

-انهاردا ١٤ ف الشهر

-ماله التاريخ

-انهاردا عيد ميلاد اية وانا لازم اروحلها

-بصتله بحزن:بس انت مش هينفع تخرج يا اياد

-اتكلم بدموع:وغلوتهم عندى هرجع تانى اوعدك

-ابتسمت:ممكن اجى معاك انا معايا عربية هوصلك

-بس يا دكتورة

-بصتلهم:مفيش بس هيروح معايا على مسؤليتى

-مسك ايدى:انا متشكر جدا انا بجد مش عارف اقولك اى

-بصيت لاايده وهى ماسكة ايدى شعور غريب بس لطيف وحبه لمراته الطف بكتير حب هو مغلفه بالاخلاص والوفاء ليها حتى بعد ما ماتت

-ابتسمت:اجهز وانا هروح اعمل حاجة وهستناك تحت اوك

-هز راسه بمعنى ماشي

-نزلت الجنينة وقفت قدام الورد قصيت ورد بحيث يعمل بوكيه ونضفته من الشوك بعدها هو نزل ملامح الاكتئاب اختفت وحلت مكانها ابتسامة هو بيحبها لدرجة انه حتى مش عاوز يروحلها بحالة سيئة للحظة حسيت بالغيرة من حبه ليها بس فرحتى بتحسنه غطت على اى احساس تانى

-انتى بتعملى اى

-مديتله ايدى بالبوكيه وابتسمت:مش هينفع تروحلها ف عيد ميلادها من غير هدية ومفيش بنت مبتحبش الورد

-ابتسم وبصلى بصة مفهمتهاش:انا بجد مش عارف اقولك اى انتى جميلة اوى

-ابتسمت:نمشي

-يلا

""""""""""""""""""""""""""""""""""" '

مشينا بالعربية وهو كان باصص من الشباك مبيتكلمش

-ساكت ليه

-تفتكرى هى زعلانة منى

-هتزعل منك ليه

-بصلى بصه طويلة وبعد كدا رجع بص للشباك تانى تصرفاته بقيت بتثير دهشتى بشكل كبير مرة بيضحك مرة بيعيط مرة بيتقبل الواقع ومرة بيرجع لاكتئابه تانى بس هو ف كل الحالات بيخلينى مبسوطة وانا معاه وجوده بيدى لليوم طعم بالرغم انى لسه متعاملة معاه من يومين بس ف اليومين دول بقي مستحوذ على كل تفكيرى حرفيا وصلنا للمقابر على حسب وصفه وقفنا عند قبرها وانا وقفت بعيد عنه عشان اديه مساحه يتكلم براحته كان بيعيط ويضحك ف نفس الوقت بعدها **ره خلاه هش معتقدش ان حبه ليها بقي موجود الايام دى خلص كلام وكان هيقوم بس مدتله ايدى بالبوكيه

-ابتسمت:هتمشي من غير ما تديها هديتها

-ابتسملى وخد بوكيه الورد حطه على قبرها وقالها:كل سنة وانتى عايشة ف قلبي وعمرك ما هتموتى

-بصتله بوجع

-نمشي

-ابتسمت:يلا نمشي

-كنا ماشيين بالعربية بس المرة دى انا اللى كنت ساكته انا اللى الخوف ابتدى يهز قلبي

-بصتله وابتسمت:هو مش المفروض نستغل اليوم ده بما انك برا المستشفي اى رائيك تتغدى عندنا انهاردا انا حابه تتعرف على بابا

-ابتسم:موافق يلا

-غيرت الطريق و روحنا البيت انا متأكدة ان بابا هيكون ليه دور ف علاج اياد

وصلنا البيت وندهت على بابا عشان يجى يستقبله

-ثانية وحده هروح اشوف بابا وجيالك

-ماشي

-ياحجيجة ياابو خديجة يادكتور

-اى يابنتى في اى

-اياد برا

-اياد مين

-صديق ليا ممكن تخرج تقابله

-اعمليلنا حاجة نشربها وانا هخرجله

-ماشي يااحج يلا اخرج

-بابا خرج وانا طلعت اعملهم حاجة يشربوها وقدمتهالهم

-بابا بص لااياد:البيت منور يا استاذ اياد

-بنورك يادكتور متشكر

-اياد يابابا هيتغدى معانا انهاردا

-انتى اتعلمتى الطبخ من ورايا

-احم اى يا بابا انا مش لسه عملالك بانيه اول امبارح انت بتحرجنى ليه بس

-اياد ضحك:انا متشكر بس انا مش جعان بجد

-بابا:انت صدقت ولا اى خديجة نفسها حلو جدااا ف الاكل انا بحب انكشها بس

-بصيتله وابتسمت:بابي اووى

-اياد بصلنا وعنيه كان فيها لمعة حزن:ربنا يخليكوا لبعض

-بابا اتكلم:قومى يلا حضرى الاكل

-حاضر

خرجت بس وقفت ورا الباب عشان اعرف هيقولوا اى

-بابا ابتدى يتكلم:من بعد ما امها ماتت فقدت احساسي عن الحياة وعن كل حاجة لقيتهت قدامى قدرت بصغر سنها وبرائتها تخرجنى من حزنى خلتنى مش مهتم ب اى حاجة غير ازاى اسعدها وبس

-اتن*د بحزن:ربنا يخليهالك ياعمى انت ربنا صبر قلبك ببنتك انا ملقيتش حاجة تصبر قلبي

-بابا ابتسم ابتسامه تفاؤل:ربنا مبيعملش حاجة من غير سبب يابنى ومحدش عارف الخير فين ممكن لو كانوا فضلوا عايشين كان ابنك كبر وبقي شاب ف الجامعة وخاطب كمان وبرضو كان مات تخيل كنت تبقي عشت معاه كل التفاصيل دى وف الاخر يموت مراتك كان ممكن لقدر الله يجيلها مرض خبيث يموتها بالبطئ كنت هتبقي مبسوط وانت شايف حب عمرك بيضيع قدامك وانت عاجز مش عارف تعمل حاجه احنا لو عرفنا تدابير ربنا لينا هنسجدله باكيين من الفرحة مش هيسيبك لوحدك لو كان هيسيبك مكنش خلقك اصبر واحتسب وادعيلهم تتقابلوا ف الجنة ف دار الحق دار الباطل فانية ربنا يجعلهم شافعين ليك يوم القيامة يارب

كنت بسمع كلام بابا وانا بعيط بس من الفرحة ياريتنى كنت جبت اياد هنا من زمان بابا كلامه اثر فيا ودخل قلبي مابال اياد دلوقتى اتمنى ان كلام بابا يساعده ف علاجه ويخف بسرعه دخلت حضرت الاكل وابتدينا ناكل سوا سرقنا وقت من الدنيا من غير حزن من غير دموع ولا عذاب الفراق كان ضحك وبس بعد ما خلصنا اكل

-خديجة انا عاوز ارجع المستشفي

-بصيتله بحزن:انت مش مبسوط هنا

-ابتسم:لا طبعا بس انا مش عاوز اعملك مشاكل ياخديجة ربنا يعلم انا اتبسطت هنا قد اى

-بابا ابتسم وسلم عليه:عاوز لما اشوفك المرة الجاية تكون اتغلبت على كل مشاكلك

-ابتسم وبصله:باذن الله

نزلت انا وهو ركبنا العربية ومشينا

وصلته المستشفي ورجعت تانى البيت وانا بفتكر كل اللى حصل ف اليوم الأول مرة من وقت ماشوفت اياد انام ونا مبتسمة

****************

الايام بتعدى واياد بيتحسن كل يوم عن اللى قبله سمع كلام بابا وابتدى يتغلب على مشاكله نسي الوجع بس منسيش اية وسيف وانا اللى ابتديت اتوجع بحبه حبيت تفصيله الصغيرة اللى يمكن هو ميخدش باله منها ضحكته هدوئه سكوته طول الوقت الونس اللى بحس بيه ف وجوده حبيته وانا عارفة ان قلبه مفيهوش غير اية

-كنت قاعدة ف المكتب بتابع التحسن اللى حصل ف حالته والباب خبط

-ادخل

-فاضية

-ابتسمت:ايااد انت اول مرة تجيلى مكتبي

-انتى جيتيلى الاوضة كتير حبيت اردلك الزيارة

-ضحكت:لا ده احنا نعمل معاك الواجب بقي تشرب اى

-مش جاى اشرب بس انا عاوز اخرج

-تخرج فين

-انا خفيت خلاص يا خديجة انتى مش ملاحظة انى خفيت

-يعنى خلاص هيمشي ومش هشوفه تانى

-انت عاوز تمشي

-قعادى هنا ملوش لازمة

-اندفعت:لا ليه طبعا قصدى يعنى انت لسه ف مرحلة اعادة التأهيل عشان ميحصلكش انتكاسة

-ابتسم وبصلى:متخفيش انا متاكد انى خفيت خالص

-اتن*دت بحزن:طيب تحب تخرج امتى

-ممكن نخرج انهاردة

- بصيتله بحزن:انهاردا يااياد هتخرج انهاردا

-ابتسملى:انا قولت نخرج علفكرا مش اخرج

-ابتسمت:معايا انا

-امممم

-ضحكت بفرحة:ماشي

****************************

خلصت شغل وكتبتله على خروج بعد ما اتعالج تماما وبعدها خرجنا

-بصتله: نروح فين

-انزلى نتمشي

-اوك يلا

-كنا بنتمشي جمب بعض وانا كنت حابة اوى وجوده جمبي وببصله من وقت لتانى

-ضحك:شكلى حلو لدرجة دى

-اتوترت:احم لا عادى

-بصلى وضحك:طيب

-اتن*دت:انت شايفة انك سمعت نصيحة بابا واتغلبت على مشاكلك

-وقف قدامى:للاسف في مشكلة وحدة مش قادر اتغلب عليها

-اى هى

-ابتسم:حبيتك

-اتصدمت: بتقول اى

- ابتسم بهدوء:بقولك بحبك

-اتن*دت بحزن:طاب واية

-اتن*د:اية كانت ماضي جميل عمرى ماهنساه

-ابتسمت: طاب وانا

-مسك ايدى حطها على قلبه وابتسم:انتى دقيتى وشمك على قلبي يا خديجة

" احببتك بكل ذرة حب داخلى?"

#النهاية?

((((((كنت انت دوائي)))))

-ليتك كنت سراب.."

قفلت دفتر مذكراتى وانا بحاول اوقف دموعى اللى م**مة تنزل عشان تفكرنى ب وجعى تفكرنى ان محدش غلط ف حقي غيرى مسحت دموعى وخرجت من الاوضة عشان افطر معاهم او امثل انى باكل عشان ميلحظوش حاجة

-صباح الخير ي ماما

-ابتسمت:صباح النور ي هلا تعالى عشان تفطرى يلا

-اتن*دت: حاضر ي حبيبتى بابا فين

-بيصلى ف الاوضة وجاى

ماما مكنتش كملت الكلمة وبابا طلع

-ابتسم: صباح الخير ي دكتورة

-صباح الفل ي ابو الدكتورة

قعدنا ع السفرة وابتدوا ياكلوا بس انا كنت بلعب ف الطبق مليش نفس اكل او اتكلم مليش نفس اضحك حتى

-بابا بصلى: مبتاكليش ليه ي هلا

- سيبت المعلقة وقومت مسكت شنطتى عشان امشي: الحمدلله ي بابا شبعت انا اتاخرت على الشغل ولازم انزل

-ابتسم: بكرا ابقي خدى اجازة

-اشمعنا ي بابا..

-ابتسم: جايلك عريس..

-اتن*دت: مش هنعيده تانى ي بابا انا مش عاوزا اتجوز لو سمحت بلاش تحرجنى وتحطنى ف موقف بايخ

-رد عليا بحدة: ولحد امتى هتفضلى مش عايزا تتجوزى انا اديت للراجل كلمة انه يجى انهاردا انتى كدا اللى هتحرجينى اقعدى معاه وبعدها ابقي قررى

-دموعى كانت بتحارب جفون عينى عشان تنزل: حاضر ي بابا عن اذنك اتاخرت

~~~~~~~~~~~~_

نزلت وانا حاسة انى بتخنق حاسة ان الهوا خلص مبقيتش عارفة ارجع زى الاول عقلى وقف عند نقطة معينة دماغى مش قادرة تكمل بعدها.. ركبت تا**ي روحت المستشفي اللى بشتغل فيها الحقيقة ان ده المكان الوحيد اللى بمجرد ما بدخله وانا بنسي كل حاجة عشان اركز مع الناس اللى محتاجه مساعدة بجد دخلت العيادة بتاعتى وابتديت اشتغل يمكن اخفف عن عقلى شوية التفكير ف اللى راح

꧁꧁꧁꧁꧁꧂꧂꧂꧂꧂

-بصتلها بابتسامة واسعة عشان اطمنها: ده احنا شطار وبنسمع الكلام وبناخد الدوا ف معاده اهو

-مامتها بصتلى باللهفة:يعنى اى ي دكتورا خلاص مش هتعمل عمليه

-اتن*دت وبصيت للطفلة وانا مبتسمة:رغد ممكن تطلعى ل طنط اللى قاعدة برا عشان عاوزا اقول كلمة ل ماما

-بصتلى ببراة:كلمة سر

-ضحكت:اه كلمة سرا

-ابتسمت:طيب هستناكى برا ي ماما

-خرجت وانا بصيت لمامتها اللى القلق والتوتر مختفاش من ملامحها:بصي الدوا اللى هى بتاخده سهل الدنيا شوية وصعوبة العملية قبل كدا مش زى دلوقتى نسبة نجاحها زادت

-بصتلى وعنيها مليانة دموع:هتبقي كويسة صح..هتخف

-مسكت اديها وابتسمت:هتخف وهتبقي زى الفل..سيبيها على ربنا واتاكدى ان كل اللى جاى خير

-ابتسمت ابتسامة باهتة:متشكرة جدا ي دكتورة عن اذنك

خرجت وانا فضلت قاعدة مكانى:دى اول مرة ابقي خايفة كدا انا خايفة اخيب امالها فيا انى اكون سبب شفاها..دموعى نزلت لمجرد التفكير ف الموضوع لقيت ايد بتتحط على كتفي رفعت راسي عشان اشوف مين

-كان مبتسم:مش معقول عيوطة اوى

-مسحت دموعى وابتسمت:انت يبنى متعلمتش تخبط قبل ما تدخل

-رفع حاجبة:ي مؤمنة ده انا بقالى ساعتين بخبط ومبترديش انتى اللى واقعة على ودانك

-ابتسمت ومردتش

-مالك ي هلا.!

-اتن*دت:انا تمام ي زين

-عليا انا برضو اى حصل

-ابتسمت:متشغلش بالك انا بس مخنوقة شوية

-كان بيتكلم بنبرة كلها جد:مش عاوزا تقوليلى برضو اى حصل خلاكى انتى وعماد سيبتو بعض

-الدموع ابتدت تتجمع حاولت اداريها بابتسامة بس فشلت فجاة لقيت نفسي بعيط وبعيط جامد شبه الطفلة الصغيرة اللى تاهت من اهلها بعيط على قلبي اللى اتلعب بيه و اترمى جنب الحيط مستنى حد يجى يعالج الجروح اللى سببها اكتر شخص حبه بصدق صوت عياطى ابتدى يهدى وكان الدموع كلها نشفت ف عينى

-رفعت راسي زين كان بصصلى بثبات

-انت بتبصلى كدا ليه..

-ربع ايده قدام ص*ره:مستنى اشوف ابتسمتك وانتى منخيرك محمرة مستنى تهدى عشان تحكى زى ما بتعملى ديما

-ابتسمت من وسط دموعى: عارف ي زين عمرى ما قبلت حد ف حياتى وارتحت معاه قد منا برتاح ف الكلام معاك

-ضحك:ولله اتغر ف نفسي ولله.. يلا عشان اروحك ف طريقي

-ابتسمت:يلا

-ركبنا العربية و زين كان مركز ف السواقة لحد ما وصلنا مكان فاضي بيطل عالنيل

-زين بصلى:تيجى ننزل نقعد شوية ولا مستعجلة

-اتن*دت وفتحت الباب من غير كلام ونزلت قعدت قدام البحر على امل ان الهوا يبرد وجع قلبي

-مش عاوزا تقوليلى اى حصل

-بصتله بدموع:مش هتفرق مش هستفاد حاجة

-انا هستفاد هعرف اى سبب الدموع اللى مش قادر الاقيلهم مبرر

-دموعى نزلت:كان بيضحك عليا..كان شايفنى مجرد بنت هيتسلى بيها شوية ويبعد عنها بصتله:محبنيش

-هلا احكى تفاصيل مش فاهم منك حاجة

-رجعت شعرى ورا ودنى وكملت:ف يوم بابا قالى ان جايلى عريس وكان م**م انى اقبله لما قولت ل عماد قالى اسمعى كلامه اتصدمت انه قالها حتى من غير ما يفكر و

-قاطعنى:كلمتيه فون

-ايوا

-شوفي المكالمة متسجلة ولا لا

-فتحت التليفون ودورت على المكالمة كانت متسجلة اديته التليفون وفتح المكالمة

-"الو ي عماد

-الو ي هلا في حاجة ولا اى

-بابا جيبلى عريس وم**م انى اقا**ه مبقاش عندى حجج اقولها ي عماد خلاص

-خلاص اسمعي كلامه

-يعنى اى اسمع كلامه..!

-يعنى انا زهقت من الموضوع ده خلاص

-لا وضحلى اكتر يعنى اى زهقت

-مش قادر اشوفك زى الاول ي هلا عارفة انا كان نفسي نكمل بس انا حاسس انى محبتكيش

-وكان فين الكلام ده قبل كدا

-كنت مستنيها تيجى منك

-ضحكت:تيجى منى يعنى كنت مستنى اجى اقولك ان انا حاسة انى محبتكش قولى انك بتهزر ي عماد لو سمحت

-يووو بقي انتى مكبرة الموضوع ليه اى يعنى قصة حب مكملتش اى حصل هو انا اول ولا اخر واحد ف حياتك

-تعرف..شكرا شكرا للدرس اللى انت علمتهولى ده انى مش هسمح ابقي فترة ف حياة حد تانى وربنا يسامحك على الاحساس اللى انا فيه دلوقتى انى معنديش كرامة وكنت عائق ف طريقك انك تكمل حياتك..وحقيقي مسمحاك بس اتمنى مشوفكش تانى ابدا ولا حتى صدفة ربنا يوفقك"

المكالمة كانت خلصت وكانها لسه بتتعاد دلوقتى

-حولت اوقف دموعى معرفتش:سنة كاملة حاسة انى ضيعت وقتى ومشاعرى وثقتى بنفسي ومش عارفة ارجعهم سنة كاملة بعاقب نفسي كل يوم على كل كلمة طلعت من قلبي ليه سنة كاملة كل ما ببص ف المراية بحس انى معنديش كرامة سنة كاملة بتسالنى مالك ومش عارفة ارد عليك اقولك اى بصتله:سنة كاملة الدموع موقفتش يوم واحد ومستمرة

-ميستهلش قلبك ي هلا صدقينى

-ضحكت:هو قلبي مبقاش نافع لحد تانى خلاص ي زين انا مبقتش انفع لحد تانى

-كان بيبصلى من غير ما يتكلم

-اتن*دت:يلا عشان عاوزا اروح

ركبنا العربية تانى وصلنى لحد البيت نزلنا من العربية

-تصبح على خير ي زين

-ابتسم:وانتى بخير ي هلا

مشيت خطوتين نده عليا

-هلا

-بصتله:نعم

-ابتسم:وانا عمرى ما قبلت حد بجمال قلبك

-ابتسمتله وطلعت

انا وزين اتعرفنا على بعض ف الجامعة كان اكتر واحد بلاقيه وقت مابكون محتاجة حد حتى عماد ساعات مكنتش بلاقيه بس زين ديما موجود كانت اصعب سنة عدت عليا ف حياتى كلها بس زين كان الطف حاجة فيها فتحت الباب ودخلت بابا كان قاعد بس على غير العادة متكلمش معايا روحت قعدت جمبه:اى ي بابا انا جيت علفكرا

-خدتى اجازة زى ما قولتلك

-بابا هو انا ليه حاسة انك عاوز تخلص منى

-بصلى بعصبية ورجع بص قدامه تانى من غير كلام

-حطيت راسي على كتفه وعينى مدمعه:انا عارفة انك بتحبنى ونفسك تفرح بيا انت الوحيد اللى انا واثقة من حبه ليا بس ولله ي بابا انا مش مستعدة حتى اقعد اتعرف على حد عاوزا اخد وقتى ممكن تدينى وقتى ي بابا

-حضنى:مالك ي هلا احكيلى اى مديقك يحبيبتى

-دفنت راسي ف حضنه:مش مديقة ي بابا انا مضغوطة بس وعاوزا اقوم من جديد عشان ارجع هلا بتاعت زمان

-ابتسم:ربنا يريح قلبك ي هلا

-ويخليك ليا ي رب كنسل بقي العريس بتاع بكرا ده وانا لما اعوز اجوز هنزل اعلان ف الجرايد

-ضحك:ماشي ي لمضة ادخلى ارتاحى تلاقيكى جاية تعبانة لحد ما امك تحضر الاكل

-لا بص انا هدخل انام ومتقولش ل ماما

-ضحك:ماشي

ـــــــــــــــــــــــــــــــــــــــــــــــــــــــــــــــ

دخلت اوضتى رميت جسمى عالسرير وكأن تقل الدنيا كلها متكوم ف قلبي للحظة دمعة كانت هتنزل من عينى مسحتها بسرعة قبل ما تنزل:عيطت انهاردا بما فيه الكفاية ننام شوية بقي غيرت هدومى واتغطيت عشان انام تليفونى رن برقم زين

-الو يازين

-صحيتك من النوم

-لسه منمتش في حاجه

-كنت بطمن عليكى بس

-ابتسمت:شكرا ي زين

-مفيش شكر بينا ي هلا انتى غالية عندى اوى

-ابتسمت:تصبح على خير

-وانتى بخير

قفلت التليفون سندته جمبي وانا بحاول انام بس جيه ف بالى ان معاد عمليه رغد بعد بكرا وانا لسه حاسة انى مش قدها انى مش هقدر اعملها العملية كان لازم ابطل تفكير وانام عشان ابعد عن دوشة افكارى شوية

`````````````````````````````````````````ــ

روحت المستشفى وانا التوتر كان باين عليا ف مشيتى وطريقة كلامى حتى رعشة ايدى دخلت العيادة وانا بحاول اتحكم ف اعصابي الممرضة دخلت

-دكتورة هلا ادخل اول حالة

-بصتلها بتوتر:هو هو في حالات كتير برا

-4 حالات

-ممكن تعمليلى اى حاجة اشربها ودخليلى اول حالة

-ابتسمت:حاضر

ابتديت اشتغل بصعوبة ومسيطر على تفكيرى عملية رغد لدرجة ان عقلى ابتدى يتخيل اى هيحصل لو العملية منجحتش استئذنت من باقي الحالات انى مش قادرة اكمل انهاردا وحولتهم لدكتورا نهال

لميت حاجتى وفتحت الباب عشان امشي لقيت زين قدامى

-كان بيبصلى بقلق:مالك يبنتى شكلك عامل كدا ليه

-م مفيش انا تعبانة بس شوية

-اتن*د:هلا مالك في اى مش هسيبك

-انا عندى عملية بكرا

-طاب اى الجديد هى دى اول عملية تعمليها

-اتوترت اكتر:انا مش واثقة انى هقدر اعملها ي زين

-استنى هجيب مفتاح العربية واجيلك

راح جاب مفتاح عربيته ونزلنا

-هنروح فين

-هنقعد ف اى كافية نتكلم

روحنا كافية قريب من المستشفي قعدنا فيه

-اتن*دت وكنت بتكلم بسرعة:انا مش هعرف اعمل العملية دى ي زين انت مشوفتش مامت البنت حاطة امل فيا رهيب دى مش اى عمليه دى عمليه قلب مفتوح انا متوترة وحاسة انى مش قدها والكوابيس من امبارح مش سيبانى

-ضحك:طيب ممكن تهدى

-متضحكش وتعصبنى

-احم سورى..اهدى طيب

-اووف ادينى هديت

-مبدئيا محدش هيعمل العملية دى غيرك

-مش هقدر ي زين

-مسك ايدى:هتقدرى انتى تقدرى على اى حاجة ي هلا انتى مش بالضعف السخيف اللى انتى شيفاه ده هتعملى العملية وهتنجح ومش هتخيبي امل مامت البنت دى انتى اقوى من كدا ي هلا انا واثق فيكى وف قدراتك

-هو كان بيتكلم وانا كنت مركزة على ايده اللى محطوطة على ايدى

-سحبت ايدى بهدوء ومتكلمتش

-اتن*د:مامت البنت هتبقي واقفة مستنية بنتها تخرج بالسلامة وانا هبقي واقف مستنيكى تخرجى تقوليلى ان العملية نجحت

-بصتله:هتبقي موجود بكرا

-ابتسم:انا عمرى ما هسيبك ي هلا

-مديت ايدى وانا ببصله:وعد!

-حط ايده ف ايدى وهو بيبصلى بابتسامة:وعد

عنيه كانت كلها صدق اديه كانت محطوطة ف ايدى بس كنت حاسة بدفا دفا نسانى وجعى كله وركزت بس ف لمعت عنيه..حسيت انى سرحانة ف عنيه شيلت ايدى بارتباك ومتكلمتش

-انتى تروحى ترتاحى عشان بكرا تبقي مستعدة وشيلى الكلام الع**ط ده من دماغك

-هزيت راسي ب معنى حاضر

^^^^^^^^^^^^^^^^^^^^^^^^^>

معاد العملية فاضل عليه ربع ساعة لبست هدوم العمليات وفضل واقفة مكانى بحاول استعد

الممرضة دخلت:دكتورة هلا رغد جهزت

-اتن*دت:ماشي جاية

هى خرجت وانا فضلت باخد شهيق وزفير

-مدلى ايده ب كوباية

-بصيتله بابتسامة:زين

-ابتسم:جبتلك شاى اخضر عشان يهد*كى شوية

-خدته من ايده ب ابتسامة وشربت منه شوية

-وانتى جوا متركزيش ف اى حاجة غير ف الحالة اللى قدامك وبس

-ابتسمت بتوتر:حاضر

سيبته وكنت هدخل العمليات

-مامت رغد مسكتنى من ايدى:انا مليش غيرها ي دكتورة خدى بالك منها

-حطيت ايدى على اديها وانا ببتسم:متخفيش

بصيت ل زين كانى بستمد قوتى منه وبعدها سيبتهم ودخلت

꧁꧁꧁꧁꧁꧂꧂꧂꧂꧂

دخلت اوضة العمليات وانا بحاول احافظ على ابتسامتى عشان اطمن رغد

بصيتلها بابتسامة:قمرى عاملة اى

-بصتلى بخوف:هى ماما فين

-ماما برا شوية وهتطلعيلها

-طاب وليه شوية انا عاوزا اطلعلها دلوقتى

-ابتسمت وبوست راسها:بعد شوية هيبقي عندك قلب قوى تقدرى تحبي بيه ماما من غير تعب

-ردت عليا وهى بتبتدى تنام بسبب الم**ر اللى حطهولها:يعنى قلبي مش هيوجعنى تانى

-ابتسمتلها:اتمنى ان قلبك يرتاح للابد ي رغد وان قسوة العالم متضيعش برائتك دى

هى نامت وانا خدت نفس وابتديت ف العملية ف نص العملية ايدى ابتدت تترعش وابتديت اتوتر حاولت اتحكم ف اعصابي بصعوبة بعد 6ساعات اخيرا العملية خلصت دموعى نزلت بس من الفرحة انا اتغلبت على خوفى كنت قد ثقة زين و والده رغد نقلوا رغد اوضة تانية وانا طلعت لقيتهم واقفين بيبصولى مستنينى اتكلم

-قربت منى بخوف:بقيت كويسة صح العملية نجحت

-ابتسمتلها:سيبتيها على ربنا

-دموعها نزلت:مبطلتش دعا ولله

-مسحتلها دموعها:بنتك بقيت احسن من الاول كمان شوية وهخليكى تدخليلها

-ربنا يكرمك ي دكتورة انا مش عارفة اقولك اى ربنا يريح قلبك ويسعدك يارب

-ابتسمتلها:عن اذنك

زين كان واقف بعيد بيتابع الحوار روحتله

-ابتسمت:انا كنت قد ثقتكوا فيا ي زين

-ابتسم:انا فخور بيكى اوى

-ابتسمت وكنت هرد عليه بس الممرضة جاتلى

-دكتورة هلا في واحد عاوزك ف العيادة

-استغربت:مين

-مقلش مين بس هو قال انه عاوزك

-طيب هغير هدومى وجاية

غيرت هدومى و روحت العيادة

-ايوا حضرتك

-كان واقف بضهره ولما ندهت بصلى كان اخر شخص كنت اتمنى اشوفه

-ابتسم:اذيك ي دكتورة هلا

-رديت بنبرة عملية ونا بقعد على المكتب:خير حضرتك بتشتكى من اى

-وحشتينى

-اتن*دت:حضرتك مقولتليش بتشتكى من اى

-هلا انا عماد

-بصتله من غير مااتكلم

-انا عارف انك زعلانة و..

-قاطعته:ونا هزعل ليه

-هلا انا اسف

-وانا كمان اسفة

-على اى

-قومت وقفت:عشان مش هضيع وقت تانى من عمرى معاك حتى لو قاطع كشف عشان تكشف عندى اتمنى انك تكون لقيت اللى تحبها بجد

-لااول مرة شوفت دموع ف عنيه:اكتشفت انى محبتش غيرك

-ابتسمت بسخرية:وانا اكتشفت ان عمرى ما حبيتك ي عماد عن اذنك عندى شغل وياريت مشوفكش تانى

꧁꧁꧁꧁꧁꧂꧂꧂꧂꧂꧂꧂

لما كنت خايفة اعمل العملية كانت ثقتى بنفسي راحت مكنتش متخيلة انها ترجع قبل معاد العملية ب كام دقيقة وكله بسبب زين زين رجعلى حاجات كتير اوى كنت فاكرة انها وقعت منى اولها انى كنت فاكرة انى مش هعرف احب تانى بس حبيت زين حبيت اهتمامه وصدقه حبيت وجوده ف الوقت اللى مكنش فيه حد وك العادة بتعلق بالشخص الغلط انا بالنسبالة مش اكتر من اخت وهو مش شايفنى غير اخت عشان كدا قررت انى مش هفتح الموضوع ده حتى لو مع نفسي

^^^^^^^^^^^^^^^^^^^^^^^^^^^

كنت قاعدة بقرا رواية وتليفونى رن رديت من غير ماابص على الاسم

-الو مين

-مين بيعبرك غيرى

-مجرد ما سمعت اسمه سيبت الكتاب اللى كان ف ايدى ورديت

-مبصتش على الاسم

-اممم بتقرى رواية صح

-ضحكت:صح

-بتتكلم عن اى

-اتنين بيحبوا بعض بس ف مرحلة الاستهبال

-ضحك: احلى مرحلة ف العلاقة كلها

-لا خالص علفكرا اللى بيحب بجد لازم يعترف بحبه عشان الطرف التانى يطمن

-تفتكرى هيتجوزو ف الاخر؟

-سرحت و رديت عليه: اتمنى يتجوزو ف الاخر

-بقولك اى هو انا ينفع اجيلكوا دلوقتى

-فرحت:بجد..ق قصدى طبعا تنور

-حسيت انه ابتسم:طيب قولى ل بابكى انى جاى عشان ميبقاش شكلى فنلة

-فنلة!!!في دكتور يقول فنلة

-ضحك:ااه عادى بتحصل..سلام

-ابتسمت:سلام

طلعت اجرى عشان اروح ل بابا

-بابا بابا

-اى يبنتى فى اى

-رديت عليه ونا بنهج:زين جاى

-زين مين!

-زين ي بابا زين مش فاكره

-اه اه افتكرته جاى ليه

-معرفش هو قالى انه جاى وقالى اقول لحضرتك انه جاى

-ينور ي هلا

-ابتسمت:طيب انا هدخل اجهز ي بابا عن اذنك

دخلت اوضتى وانا مش عارفة بضحك ليه وفرحانة بس مبسوطة انه جاى وانى هشوفه لبست هدومى وبعدها ب شوية جرس الباب رن

-فتحت الباب:تعالى ي زين

-ابتسم وهمسلى بصوت واطى:اى القمر ده

-بصتله وانا مش مصدقة:هه

-بابا جيه يستقبلوا:منور ي دكتور

-ابتسم:بنورك يعمى

قعدنا ف الصلون وزين ابتدى يتكلم:عمى انا اعرف هلا من واحنا ف جامعة واشتغلنا مع بعض ويعلم ربنا انى عمرى مااتعديت حدودى وانها كانت زميلة عزيزة وصديقة غالية اوى

-بابا بصلى وبعدها بصلوا باستغراب:مش فاهم برضو يبنى عاوز تقول اى

-بصلى وابتسم وبعدها بص ل بابا:انا عاوز اتجوز هلا

-بصتله وانا متنحة وهو كان مركز مع بابا

-بابا رد عليه:هو اللى بيتقدم المفروض بيجيب اهله يعنى صح

-زين رد عليه:احم انا ولدى متوفي من عشر سنين و ولدتى ماتت بعده ب سنة كنت عايش مع خالى وحاليا انا معتمد على نفسي اعتماد تام وبشتغل

-ولله مش عارف اقولك اى

-عارف انى كان لازم اخد معاد بس انا استنيت كتير اوى بصلى وكمل كلام:انا بحب هلا من اول مرة اتعملت معاها فيها انا حتى عمرى مااعترفتلها انى بحبها هلا متتحبش ف السر لو ربنا جمعنا ببعض انا هعتبرها اعظم انتصار حققته

-كنت بسمع كلامه وانا الدموع ف عينى هو ازاى استحمل انى اكون بحب واحد تانى ولسه كان بيحبنى معقول في حد بيحب حد كدا

-بابا بصلى وابتسم وبعدها بصلوا:دى حتة من قلبي ولو انت بتحبها اوى كدا ف انا هبقي مطمن عليها معاك

-زين كان بيضحك بفرحة كانت اول مرة اشوفه فرحان كدا:حيث كدا بقي الخطوبة تبقي الاسبوع الجاى

-بابا ضحك:مستعجل على اى

-زين رد عليه:انا بقالى كتير مستنى اكتر من كدا هموت منكوا ولله

-بابا بصلوا وهو بيضحك:وانا موافق بس ناخد رائى هلا

-بصيت ل بابا وبعدها بصيت ل زين:انا موافقة ي بابا

ماما سمعت موفقتى وفضلت تزغرط بابا ابتسامته مفرقتش وشه انا و زين كنا بنبص ل بعض كاننا لقينا بعض وكل واحد فينا كمل حاجة ناقصة ف حياة التانى

**********************

يوم الخطوبة جيه قعدنا لبسنا الدبل كنا بنبص ل بعض بفرحة كبيرة اوى من فرحتى دموعى نزلت

-ضحك:انتى مبتعرفيش تعملى حاجة ف حياتك غير انك بتعيطى

-ضحكت ومردتش

ماما جت بصتلنا:ما تروحوا تقفوا ف البلكونة سوا شوية

-زين بصلها:ولله انا قولت كدا برضو مسك ايدى ودخلنا البلكونة

وقفنا شوية مبنتكلمش

-زين ممكن اسالك سؤال

-ابتسم: اسالى كل اللى انتى عوزاه

-هو انت ازاى كنت بتحبنى وانت شيفنى بحب واحد تانى

-اتن*د:حاولت ابعد عنك كتير عشان ارتاح لقيتنى كل ما ببعد بقع فيكى اكتر كنت ببقي سعيد جدا لما كنتى بتبقي مديقة او متخانقة مع عماد وتيجى تكلمينى انا على قد وجعى بس كنت مبسوط انك كنتى بتكلمينى انا

-دمعت: انا بحبك

-ابتسم: وانا مغرم بيكى ي هلا

"كنت الدواء بعد ليالى صراعى مع مرض قلبي?"

#النهاية

((((((صاحب وفي)))))

-بصتلها بفرحة: لولولولولولى مب**ك ي سرسور

-قامت حضنتنى: الله يبارك فيكى ي داليدا عقبالك

كان جميل اووى انى اشوف صحبة عمرى بتتخطب كنت حاسة ببهجة كانى انا اللى بتخطب ولله مش متخيلة ان في حد جية وهيخدها منى لانها عندى اكتر من صاحبة واخت

-بصيت ل يامن: مب**ك ي يامن خد بالك منها بقي ولله لو زعلتها ابطحك

-ض*بتنى ف كتفي بخفة عشان اسكت من عفويتى اللى احيانا الناس بتشوفها بجاحة

-ضحك: ف عنيا ي داليدا متقلقيش

-ابتسمت ومردتش

-بصتلى وهى بتحاول تكتم ضحكتها: يخربيت ل**نك

-انا غلطانة انى بوصيه عليكى اصلا

-حضنتنى من كتفي: ربنا يخليكى ليا يااحلى حاجة ف حياتى

بحب الود والدفا اللى ف علاقتنا انا ربنا مرزقنيش ب اخوات بنات بس رزق ربنا كله جالى ف سارة وجودها لوحده مالى حياتى سرور حبي ليها وصل لمرحلة

انى لو خيرونى بين اى حاجه ف الدنيا وسارة هختار سارة لان اى حاجه ف الدنيا ممكن تتعوض بس هى مش هتتعوض اليوم عدى وهو متغلف بفرحتها و رومانسية يامن معاها مفرقتهاش لحظة كاانى ام العروسة

-كانوا واقفين يتكلموا مع بعض عند الباب وانا كنت ببصلهم بابتسامة كنت مبسوطة اووى انهم واخيرا اتخطبوا بعد حب3 سنين كنت شاهدة على كل لحظة بينهم وفرحتى انهاردا متقلش عنهم هو مشي والضيوف كلهم مشيوا بصينا لبعض وفجاة زغرطنا ف نفس الثانية

-ضحكت: انا مش مصدقة نفسي يا دي دي بجد واخيراا

-صحكت: واخيرا هخلص منك

-تخلصي من مين ياما ده انا قاعدة على قلبك

-ابتسمت: انا عاوزاكى قاعدة على قلبي ديما متقوميش من عليه

-ابتسمت وحضنتنى: انا بحبك اووى بحبك اكتر من اى حاجه ف حياتى فرحتى انهاردا مكنتش هتكمل غير بيكى وبعدين انجزى بقي شوفيلك حد اتجوزيه عشان نتجوز سوا زى ما ديما كنا بنتخيل

-ضحكت: خلاص استنونى بقي لحد ما الاقي حد

قطع كلامنا صوت رنة موبيلها

-ااه احنا ابتدينا ولا اى

-ضحكت: ملكيش دعوة ي حقودة

خدت الموبايل ودخلت اوضتها كلمت ماما اقولها انى هبات عند سارة انهاردا لان الوقت كان اتاخر قضينا الوقت كله ضحك واحنا بنتخيل مستقبل وردى كانت بتتكلم بحماس وانا تقريبا سامعة صوت ض*بات قلبها -بصتلى: عارفة ي دي دي كان نفسي اووى ماما تكون موجودة معايا

-ابتسمتلها:ادعيلها بالرحمة

-الله يرحمها تعرفي نفسي اووى اجرب احساس ان ماما تساعدنى ف لبس فستان الفرح

-ضحكت عشان اخرجها من حزنها: يبنتى ده انتى لسه مخطوبة من ربع ساعة بتفكرى ف الفرح من دلوقتى وبعدين يستى لما يجى وقتها اعتبرينى امك والبسك انا الفستان

-ضحكت:اوك يا مامى

-تعالى ف حضن امك يابت

نمنا بعد رغى كتير اووى صحينا عالضهر قعدنا فطرنا وبعدها كان لازم امشي

-هكلمها انا واقولها انك هتقعدى معايا شوية كمان

-بصتلها: يبنتى انا من امبارح معاكى ومينفعش كدا لازم اروح

-طيب نخرج بكرا

-ابتسمت: اشطا ماشي يلا سلام

-ابتسمت:سلام

كنت نازلة عالسلام ويامن كان طالع

-بصتله وابتسمت: اهلا ياعريس

-ابتسم: اذيك يا داليدا

-الحمدلله كويسة سارة متعرفش انك جاى

-لا كنت حابب اعملهاا مفاجأة

-ابتسمت: ربنا يهنيكوا ببعض عن اذنك

سيبته ونزلت ركبت تا**ي عشان اروح