Nakauwi na ng bahay si Luis. Pumasok siya sa kwarto. Napatingin siya sa kama kung saan naabutan niyang nakaupo sa gilid nito si Blue at seryosong nakatingin sa kanya.
Nagkibit-balikat si Luis at umiwas nang tingin kay Blue. Sinimulan niyang hubarin ang suot niyang sapatos.
“Saan ka nanggaling?” seryosong tanong ni Blue kay Luis.
Muling tiningnan ni Luis ang kasintahan. Kumunot ang noo niya.
“Nagpaalam ako sayo thru text,” wika ni Luis habang hinuhubad ang kaliwang sapatos niya. “Hindi mo nabasa?” tanong pa niya. Tuluyan na niyang nahubad ang sapatos niya.
“Na-lowbat ako. Nakapatay ang phone ko kasi naka-charge,” sagot ni Blue.
Napaismid si Luis.
“Kaya pala,” sabi niya. “Anyway, nakipagkita ako sa mga kaibigan ko,” sagot ni Luis sa tanong ni Blue kanina.
Tumaas ang dalawang kilay ni
