“Bakit parang ang saya mo?” puna ni Darcelle kay Claude. Inimbitahan siya ng binata na kumain sila sa labas at libre nito.
“Nakita kasi kita,” ang tugon nito na inismiran niya. Binalewala lang niya ang paglundag ng puso niya at hindi ipinahalata sa binata. “Huwag kang pumasok sa trabaho bukas, hippo. Joy ride tayo gamit ang motor ko. Okay lang ba?”
Napakunot siya ng noo. Nakakahalina naman ang imbitasyon nito kahit motor pa ang gagamitin nila dahil adventure din iyon para sa kanya.
“Saan tayo pupunta?” tanong naman niya saka nag-order na ng pagkain sa waiter na naghihintay.
“Basta lang.”
“Wala ka bang trial?”
“Sa Lunes pa ng hapon, kaya ayos lang.” Nakangiti sa kanya nang malapad ang binata. “Matagal-tagal na ring hindi tayo nakapag-out of town na dalawa, ‘di ba?”
“The last time we
