Itinabig ni Darcelle ang kamay ni Claude. Ramdam niya ang mainit nitong palad at mabango iyon. Tipong Claude lang din na siyang nagpalakas ng pagkabog ng kanyang dibdib.
“Fine. Hindi na ako magsasalita tungkol sa inyo ni Sam,” aniyang humalipkip habang nakaupo sa passenger seat.
“Buti naman.” Ngumisi pa ito.
Dinala siya ng lalaki sa isang restorang hindi pa niya o nila napuntahan na dalawa. May malaking chandelier sa gitna ng kisame, nakahilera ang mga mesa, sa harap ay may naka-display na mga nakahigang bote ng wine na iba’t iba ang klase at mukhang mamahalin, may mga ilaw na nakadikit sa dingding, may kurtinang nakaayos ang pagkatali sa salaming dingding at gawa sa tiles na kulay powder blue ang sahig. May mangilan-ngilang customers sa mga oras na iyon na halatang mayayaman.
French c
