Kanina pa hindi mapakali si Matteo pagkabalik niya sa bahay ng mga Del Rio. Sa isang Cesar Espiritu nakapangalan ang kotseng nakabuntot sa kanila kanina. Gusto niyang itanong kay Ferdinand kung kilala nito ang taong 'yon, pero hindi niya alam kung paano sisimulan. Isang mahinang katok ang ginawa niya sa silid ng ama ni Sahara.
"May I have a minute with you, Mr. Del Rio?" agad niyang wika nang buksan nito ng pinto. Marahan naman itong tumango kaya pumasok s'ya. Sinundan niya ito hanggang sa may balkonahe.
"Naiintindihan ko kung gusto mo 'kong patayin sa mga oras na 'to, Matteo..." wika nitong nakatalikod sa kanya at nakatingin sa hardin na maliwanag dahil sa mga ilaw sa poste. Lumunok muna siya para alisin ang bara sa lalamunan.
"Totoong malaking bahagi ng puso ko ay ang pagkamuh
