Nang imulat ni Yani ang mga mata ay puro usok na ang kanilang paligid. Naghalo halo ang alikabok at amoy ng pulbura na likha ng pagsabog. Bumangon si Yani na pinasadahan ng tingin ang kalapit na paligid. Maraming tao ang nakahandusay na sa simentadong kalsada. Makikita ang mga bata, matanda, maging ilang pulis na kasama kanina. Lahat duguan.
Bigla niyang nahawakan ang magkabilaang tenga. Tila nabingi yata siya sa malakas na tunog ng pagsabog na nangyari ilang minuto pa lang ang nakakaraan. Ipinilig niya ang kanyang ulo ng paulit ulit na tila ba makakatulong iyon sa pagbabalik ng pandinig nang sa gilid ng mga mata ay masulyapan si Copper na nasa kanyang tabi lang, nakahandusay ito at walang malay. Bigla niyang naalala na sumulpot pala ito sa harapan niya bago pa mangyari ang pangalawang
