KAKATAPOS lang kumain ng magkaibigang si Summer at Mau na itinuloy pa din ang pagkwekwentuhan.
"Buti naman at lumayas na ang mga bwisita niyo. Sayang wala ako nuong umalis, ng mapabaunan ko naman ng isang mahigpit na suntok."
"Aysus! Ayaw mo lang aminin, siguro type mo si Forrest." May pang-iinis na saad nitong si Summer na katatapos lang maghugas. Kumuha ng baso at nagsalin ng malamig na tubig, akmang iinumin na sana niya ng biglang dumulas sa kamay niya ang babasaging baso na hawak hawak niya.
"Hala! So-sorry, di ko alam biglang dumulas sa kamay ko." Pagpapaliwanag pa nitong si Summer sa kaibigan na sinabayan na ng hindi niya maipaliwanag na dahilan.
"Gaga, hayaan mo na. Tig isang daan lang iyan sa Maynila." Sagot ng kaibigan.
"Isang daan--yang pirasong iyan?" Gulat na tano
