Nag-inat ako nang matapos ko ang pagla-lodge ng mga dumating na shipments. Sa trabaho talaga naming ito ay wala kang dapat sayangin na oras dahil kung mabagal ka at tamad, pera lagi ang nawawala sa kliyente mo.
“Magpapapirma lang ako kay Sir. May ipapasabay kayo?” Umiling naman silang dalawa kaya nagpunta na ako sa opisina ni Silas. Nakangiti ako, halatang maganda ang mood ko kahit na nararamdaman ko na ang pananakit ng aking puson. Mabuti na lang at handa ako kung sakaling datnan ako.
Kumatok na ako sa opisina ni Silas at pumasok nang bigyan niya ako ng permiso. Nang una ay tinitingnan niya pa kung sino ang kumakatok at nang makita niya ako ay agad siyang ngumiti.
Para naman akong kiniliti sa pagngiti niyang iyon. Ano ba iyan, Silas? Huwag mo nga ako pinapakilig. Nagwawala ang mga demo
