"Nagawa mo ba ang pinapagawa ko sa'yo?" tanong ni Diana kay Karla. Kasalukuyan silang nagbubulungan sa loob ng kaniyang kuwarto upang walang sino man ang makarinig sa kanilang usapan.
"Opo, pinuno. Paniwalang-paniwala siya sa pag-arte ko," ngumisi nang tagilid ang babae habang nagbabalita sa kaniyang lingkod. Isa ito sa mga tauhan ni Diana na kasapi sa Faceless Black Syndicate at ito rin ang tunay na pumatay kay Fred.
"Kawawang Toper, magaling pa naman sana siyang tagasunod ngunit malas niya lang dahil nakita siya ni Shawn. Tiyak na hindi titigil ang kapulisan sa pag-iimbestiga hanggang sa mapaamin ito kaya nararapat lang na patahimikin na natin siya."
Umayon naman si Karla sa pamamagitan nang pagtango. Walang mag-aakala na ang babaeng ito na tila kay hinang nilalang ay bihasa na sa iba
