Bagamat nahihirapan man, sapagkat masama pa rin ang aking loob dahil sa mga nangyayari kanina, ngunit ginagampanan ko pa rin ng maayos ang aking tungkulin sa haciendang ito.
Sa poultry farm na bahagi ng hacienda kami nagtungo sa araw na ito. Bitbit ang notebook na naglalaman ng mga talaan ng mga nadeliver na mga pagkain manok, nakatuon ang aking pansin sa mga produktong kasalukuyan ngayong ipinapasok sa loob ng kamalig. Chineck kong mabuti kung ilang sako ang dumating nang sa gayon ay hindi magkakaroon ng aberya ang pag imbentaryo sa katapusan ng buwan.
"Magandang umaga, Sabio," ang nakangiting bungad sa akin ni Mang Fredo, driver ng truck na nag-aangkat ng mga feeds sa bayan.
"Uy, magandang araw rin sa iyo, Mang Fredo," nakangiti kong tugon sa matanda. "Mukhang dumoble ang dami ng mga
