Hindi ko hahayaang mawala sa akin si Kiel. Hindi ko maaatim na mawala siya sa buhay ko, kaya ngayon, susubukan ko ang paraan na naisip ko kanina habang pauwi palang ako. Ang paraan na sa tingin ko'y magbabalik ng lakas ni Kiel.
At ang paraang iyon ay walang iba kundi ang ibigay ang sarili ko sa kaniya. Ang isuko sa kaniya ang aking kadalisayan at pagka-birhen. Naisip ko kasi kanina na kung ang nangyari sa amin ni Kiel noong sa mundo ng panaginip palang kami nagkikita ay ang dahilan ng pagbalik ng kaniyang lakas, siguro naman, dito sa totoong mundo, ganoon rin ang mangyayari.
Ramdam ko parin ang panginginig niya. Maingat ko siyang itinayo at inihiga sa aking kama. Pinagmasdan ko ang nakakaawang mukha ng Incubus. Hindi ko na makita sa mukha niya ang makulit at pala-ngiting Kiel dahil natat
