Kabanata 78
Patuloy pa rin sila sa kanilang kulitan, ako naman ay natapos na sa aking kinakain. Ang liwanag ng buwan, naalala ko tuloy iyong kwentuhan namin ni Kith kagabi, patungkol sa constellations, na wala man lang akong naiambag sa kanyang impormasyon tungkol doon. Wala naman kasi akong interes sa ganoon.
Sa sobrang liwanag ng buwan, halos lahat ay naliwanagan nito. Nagawi ang paningin ko sa parte kung saan ay wala na ngang makikitang mga puno. Ang laki ng sakop nito na wala nang mga puno, mukhang wala na rin talaga hanggang sa dulo nitong Silangan. Ano nga kaya ang dahilan?
“Deeve? Deeve?” agaw sa aking pansin nitong si Aztar.
“Oh? Bakit?”
“May problema ba?” alalang tanong niya.
“Wala naman, tapos na kayong
