ITINAPAT ni Luna ang hubo’t hubad na katawan niya sa shower. Ipinikit niya ang kanyang mata at hinayaan ang tubig na alisin ang dugo sa kanyang katawan. Kinuha niya ang sabon at sinabon ang sarili. Alam niyang matatanggal ng tubig at sabon ang lahat ng dumi sa kanyang katawan ngunit hindi ang dumi sa kanyang pagkatao. Mabilis niyang tinapos ang paliligo. Kailangan na niyang isagawa ngayong gabi ang pagpatay niya kay Edward.
Paglabas niya ng banyo ay tinuyo niya ang kanyang katawan gamit ang isang tuwalya. Nagbihis din siya ng isang kulay puting bestida. Hindi niya nakalimutan na ilagay sa bulsa ang papel na ibinigay sa kanya noon ni Tiyang Magda. Humarap siya sa salamin at nakatulalang sinuklay ang kanyang buhok. Nasa ganoon siyang gawain nang may biglang kumatok sa pinto ng inuupahan niy
