“Nandito lang pala kayong tatlo,” sabi ni Tracy nang bumalik ang magkakapatid sa party. “Akala na namin kailangan na namin magpadala ng search party para hanapin kayo.”
“Tita Tracy, ang kulit mo,” natatawang sagot ni Alexis. “Mama, kumusta ka na?”
Mahigpit silang niyakap ni Ava pero ramdam ni Alexis na wala nang tensyon sa yakap ng ina. At sapat na ‘yon para malaman niyang ayos lang ito kahit may nangyaring kaunting drama kanina.
“Paano n’yo nagawang gawin ‘yon?” tanong ni Ava pagkatapos ng ilang saglit. “Puwede kayong mapahamak.”
“Ayos lang kami, Ma,” kibit-balikat ni Sean. Wala naman talaga silang panganib na kinaharap.
“Yeah, hinding-hindi namin hahayaang masaktan ka,” sabay ni Theo.
“Swerte mo nga eh,” sabat ni Silas. “Pinoprotektahan ka nila. Ako, ginagamit lan
