"Tito Thomas!" bati ni Alexis nang makita nilang magkakapatid ang assistant ng kanilang ama.
"Oh, kayo pala," sagot ni Thomas. "Anong dala n’yo diyan?" Napansin agad niya ang bote ng alak sa malaking plastic bag na hawak ni Theo. "Alam n’yo namang bawal pa kayong uminom, ‘di ba?"
"Hindi po ‘yan para inumin," sagot ni Alexis habang maingat na inilapag ni Theo ang bote sa mesa.
"Ah, gano’n ba?" taas-kilay na tanong ni Thomas. "Para saan ‘yan?"
"Una po sa lahat… busy ka ba ngayon?" tanong ni Alexis.
"Hindi naman masyado." Saglit na sumilip si Thomas sa computer screen niya. Kahit holiday at karamihan ng opisina ay sarado, may konting crew pa ring nagbabantay sa stock market.
"Perfect. Kailangan ka po naming pumunta ng Maynila."
"Ha? Bakit?"
"Para ihatid po ‘ton
