Nagpaalam sa akin si Anton na bibisita raw siya ngayong araw para maka-bonding niya rin ang pamilya ko.
Tinanong ko siya kung anong gusto niyang ulam ng sa ganun ay maipagluto ko siya.
Wala namang problema sa pamilya ko kung sino ang magpunta dito sa bahay. Kung tao na pumunta dito ay tao rin naman na haharapin namin.
“Sobrang busy yata ni Manang?” tanong ng taong grasa na bigla na lang sumulpot dito sa kusina. Naluto ko na ang lahat ng mga ulam na napili kong lutuin para marami ang pagpipilian si Anton.
Nakapag-ayos na nga rin ako ng sarili ko at hinihintay na lang ang pagdating ng paboritong kong kaklase.
“Anong okasyon? Sinong may birthday? Bakit ang daming mga pagkain?” usisa ni Zakarias at saka dumampot ng isang chicken drumstick kaya naman mabilis kong natampal ang kanyang kamay
