CAYE
Maaga pa lang ay bumangon na ako. Kahit na medyo masakit ang ulo ko. Nais kong magluto ng umagahan namin.
Inayos ko muna ang kumot ng mag-ama ko. Pagkatapos ay nag-ayos ako ng sarili bago bumaba sa kusina.
Alam ko na tulog pa ang mga tao tanging mga kasambahay nila ang abala sa paghahanda ng almusal.
"Magandang umaga po," sabi ko sa kanila.
"Magandang umaga rin po sa inyo, Ma'am."
"Caye na lang po ang itawag niyo sa akin manang," nakangiting sabi ko.
"May kailangan po ba kayo?" Tanong nito sa akin.
"Puwede po ba akong tumulong?" Tanong ko sa kanila. Hindi ko ito bahay kaya nais kong humingi ng permiso.
"Baka po magalit si Sir Luke," nag-aalangan na sagot nito.
"Hindi po 'yan. Katunayan po ay ako ang naghahanda ng pagkain namin," ani ko rito. Nakita ko ang pagkabahala sa mukh
