“Ang sarap!” Halos lumuwa ang mata ni Beverly nang tuluyang malasap ang pagkaing kanina lamang ay pinandidirihan niya. Balewala sa kaniya ang init nito mula sa pagkakahango sa mamantikang kawali. Hindi niya napigilan ang sarili at parang batang nagtatalon dahil noon lamang siya nakakain ng ganoong klase ng pagkain.
“Huy!” Nagulat na lang si Lance ng bigla nitong agawin ang plastic cups niya na may laman pang tatlong kikyam. Para bang hindi na nito nginuya ang kinakain dahil sa masarap na lasa. Wala namang nagawa ang binata at napakamot na lang ng ulo.
“Boss, ibang klase din pala ‘yang gelpren mo. Pers taym niya yatang makakin ng kikyam?” natatawa namang sambit ng matandang lalaki kay Lance. Halos manlaki ang mga mata ng binata sa narinig niya.
“Hindi ko po siya girlfriend,” depensa ni
