"Aalis na ako, Ate Salve," paalam ni Cassie sa kaniyang tagapag alaga. Kasalukuyan itong nasa harap ng kanilang bakuran at naghuhukay ng lupa para sa kaniyang itatanim na mga halaman.
"Bakit ang aga mo namang pumasok?" takang tanong nito.
"Nakapag pahinga ako ng maayos kahapon, Ate, kaya naman sinisipag akong magtrabaho. Isa pa Martes naman din ngayon, naka-assign akong maglinis sa tirahan ng boss namin."
"Ah, ganu'n ba? O, sige, mag ingat ka sa paglalakad mo," bilin nito.
"Oo, Ate," tugon ni Cassie, binuksan niya ang gate at tuluyan ng umalis.
Makalipas ang ilang minutong paglalakad ay nasa harapan na siya ng resort. Pinagbuksan siya ng gate ng guwardiya at agad naman siyang pumasok. Mangilan-ngilan pa lamang ang mga empleyado na naroon.
Nang makarating siya sa locker ay nadatnan
