Tatlong araw na rin mula ng dumating sina Cassie at Luther sa Maynila. Nasasanay na rin ang dalaga sa buhay niya sa siyudad kasama ang binata. Ngayon malapit na sila sa isa't-isa ay lalo lang lumalalim ang pagtingin niya rito. Minsan nga ini-imagine niya na mag asawa sila. Papasok ito sa opisina tuwing umaga at inaasikaso niya ang mga pangangailangan nito, gaya ng pagluluto ng almusal para rito at paghahanda ng mga damit na susuutin. Sa gabi naman kailangan ay nakaluto na siya dahil pag uwi nito ay siguradong maghahanap ng pagkain. Kaya lang bigla siyang babalik sa reyalidad na amo niya ito at siya ay personal maid lamang nito.
Pumasok na rin sa isip niya na ano kaya kung magpakita siya rito bilang si Cassie, kahit ilang saglit lang? Nami-miss na niya ang mga yakap at halik ng binata at g
