Hindi ko akalain na kaya niyang gawin iyon dahil lang sa akin. Gano'n na ba ako kasama sa kanya? Oo, alam kong hindi niya sinadya pero kahit anong gawin ko, hindi ko kayang tanggapin ang lahat at nagagalit pa rin ako sa kanya. Kaya iyon ang paraan ko para ipagluksa si baby. Ayokong manumbat dahil wala na rin naman saysay dahil hindi na niya maibalik ang anak namin. Sa pagbabalewala ko sa kanya ay naisip ko rin na tapusin na rin ang lahat sa amin. Dahil sa tingin ko ay magiging toxic lang ang pagsasama namin kapag nagpatuloy pa kami. Mag-aaway lang kami at paulit-ulit ko lang siyang susumbatan. Pero ngayon, hindi ko iniisip na magagawa niyang tapusin ang buhay niya dahil lang din sa akin. Ngayon, bigla akong natauhan dahil hindi ko talaga inaasahan ito.
"Kumalas siya sa akin at tumutok sa
