Nang sumunod na araw hindi mapakali si Samantha dahil sa mga nangyari simula pa kahapon, gusto niyang makitang muli ang binatilyong nakilala niya kahapon upang tanungin kung ano ang gusto nitong ipahiwatig sa kanya. Ngunit paano? Hindi niya alam kahit ang pangalan nito dahil mukhang wala itong balak makipag-ugnayan sa kanila. Napansin naman ni Alex ang pagiging balisa ni Samantha kaya kaagad naman niya itong nilapitan. Kasalukuyang nakaupo si Alex sa kanyang mesa at inaayos ang mga papel na nagkalat doon nang mapansin niyang hindi mapakali si Samantha sa puwesto nito kaya nagtaka na ang binata at nagdesisyong lapitan ang dalaga. Magkasalubong ang kilay nito sa pagtataka habang humahakbang sa mesa ni Samantha, hindi niya lubos maisip kung ano ang tumatakbo sa utak ng dalaga dahil kanina pa
