CHAPTER 31
Mabilis lang kung tutuusin ang isang linggo pero hindi para sa pusong labis na nasugatan at nasaktan. Limang araw na ang nakakaraan, ngunit tila ba parang kahapon lang nangyari ang lahat para kay Jillian. Iyong sakit na akala niyang lilipas lang at unti unting maghihilom at gagaan pag nailuha niya ay mas lalo lamang nagpahirap kanya. Ilang araw na ang dumaan pero sariwa parin sa puso at diwa niya ang sakit. Ang lahat ng mga masasakit na bagay na kanyang narinig ng araw na iyon, ay tila ba ayaw tumigil sa kaka echo sa loob ng kanyang tenga at utak.
At ang mas malala pa ay imbis na maipahinga niya ang kanyang puso at isipan ay mas lalo lamang naging magulo at mahirap para sa kanya ang lahat. Walang araw, oras, minuto o kahit segundo manlang na nabura sa isip niya ang binata. Ang
